ആരാധകരുടെ പ്രിയ താരമാണ് ഭാവനയും അജിത്തും. ഇപ്പോഴിതാ ഭാവനയെ കാണാൻ ഷൂട്ടിങ് ലോക്കേഷനില്‍ എത്തിയ അജിത്തിന്റെ വീഡിയോയാണ് സോഷ്യല്‍ മീഡിയയില്‍ വൈറലാക്കുന്നത്.കണ്ടു മുട്ടാൻ വൈകിയതിന് നടി ഭാവനയോടും മറ്റെല്ലാവരോടും ക്ഷമ ചോദിക്കുന്ന താരത്തിന്റെ വീഡിയോയാണ് പുറത്ത് വന്നിരിക്കുന്നത്.
തന്റെ വരാനിരിക്കുന്ന കന്നഡ ചിത്രമായ’ പിങ്ക് നോട്ട്’ എന്ന ചിത്രത്തിന്റെ ചിത്രീകരണത്തിന്റെ ഭാഗമായി അസര്‍ബൈജാനിലാണ് ഭാവന. മഗിഴ തിരുമേനി സംവിധാനം ചെയ്യുന്ന ‘വിടാ മുയാര്‍ച്ചി’ എന്ന സിനിമയുടെ ചിത്രീകരണത്തിനായി നടൻ അജിത് കുമാറും അസര്‍ബൈജാനിലുണ്ട്.
‘വൈകിയതില്‍ ഞാൻ വളരെ ഖേദിക്കുന്നു’ എന്നാണ് അജിത് വീഡിയോയില്‍ പറയുന്നത്. ‘ഇല്ല, കുഴപ്പമില്ല. നിങ്ങള്‍ വൈകിയതിനാല്‍ ഞങ്ങളും കുറച്ച്‌ വൈകിയാണ് വന്നത്’ എന്ന് ഭാവനയും മറുപടി നല്‍കി.
2010-ല്‍ പുറത്തിറങ്ങിയ അസല്‍ എന്ന ചിത്രത്തില്‍ അജിത്തിന്റെ നായികയായിരുന്നു ഭാവന. അടുത്തിടെ അജിത്തിന്റെ തുണിവ് എന്ന ചിത്രത്തിന്റെ ലൊക്കേഷനില്‍ ഭാവന സന്ദര്‍ശനം നടത്തിയിരുന്നു. അന്ന് അതേക്കുറിച്ച്‌ ഭാവനയുടെ പ്രതികരണം അജിത് ആരാധകര്‍ കയ്യടികളോടെയായിരുന്നു സ്വീകരിച്ചത്.
