കേരളത്തില്‍ നിന്ന് അയോധ്യയിലേക്ക് ഇന്ന് ആരംഭിക്കാനിരുന്ന ട്രെയിന്‍ സര്‍വീസ് വൈകും. പ്രത്യേക സര്‍വീസുകള്‍ക്കായുള്ള ക്രമീകരണങ്ങള്‍ പൂര്‍ത്തിയാവാത്ത സാഹചര്യത്തിലാണ് തീരുമാനം. ഒരാഴ്ച കൂടി കഴിഞ്ഞേ സര്‍വീസ് ആരംഭിക്കുകയുള്ളു എന്ന് റെയില്‍വേ അറിയിച്ചു.
ഇന്ന് വൈകിട്ട് 7.10 ന് പാലക്കാട് ജംഗ്ഷന്‍ റെയില്‍വേ സ്റ്റേഷനില്‍ നിന്ന് ആസ്ത സ്പെഷ്യല്‍ ട്രെയിന്‍ സര്‍വീസ് അയോധ്യയിലേക്ക് പുറപ്പെടും എന്നായിരുന്നു നേരത്തേ റെയില്‍വേ അറിയിച്ചിരുന്നത്. ഇന്ന് പുറപ്പെടുന്ന ട്രെയിന്‍ 54 മണിക്കൂര്‍ പിന്നിട്ട് മൂന്നാം ദിവസം പുലര്‍ച്ചെ രണ്ടിന് അയോധ്യ ധാം റെയില്‍വേ സ്റ്റേഷനില്‍ എത്തും വിധമായിരുന്നു ക്രമീകരണം.
