അയോധ്യ രാമക്ഷേത്ര പ്രാണ പ്രതിഷ്ഠ ചടങ്ങില്‍ ക്ഷണം ലഭിച്ചിട്ടും പങ്കെടുക്കാത്ത നടൻ മോഹൻലാലിനെതിരെ സോഷ്യല്‍ മീഡിയയില്‍ വ്യാപക പ്രതിഷേധം. വാലിബന്റെ പ്രമോഷന്റെ ഭാഗമായി മോഹൻലാല്‍ പങ്കുവെച്ച്‌ ഒരു പോസ്റ്റിനു താഴെ മലൈക്കോട്ടെ വാലിബൻ ബഹിഷ്കരിക്കുന്നതായും, മോഹൻലാലിന്റെ ഒരു സിനിമ പോലും ഇനി തിയേറ്ററില്‍ പോയി കാണില്ല എന്നുള്ള പോസ്റ്റുമായി ഒരു വിഭാഗം രംഗത്ത് എത്തിയിരിക്കുകയാണ്.
രാമ ക്ഷേത്രത്തിന്റെ പ്രതിഷ്ഠാ ചടങ്ങിനോട് യോജിക്കുന്നവരും വിയോജിക്കുന്നവരുമായ ആരാധകർ മോഹൻലാലിന്റെ പോസ്റ്റിന് താഴെ പോരു തുടങ്ങിയിട്ടുണ്ട്. എന്നാൽ ഇതിൽ പരിഹാസം ഉയരുകയാണ്.
അയ്യോ സംഘിക്കൂട്ടം സിനിമ ബഹിഷ്കരിച്ചതോടെ വാലിബന് വമ്പൻ വിജയം നിശ്ചയമായി എന്നും, സംഘികള്‍ കാണാത്തതുകൊണ്ട് സിനിമ വിജയിക്കാതിരിക്കില്ല എന്നുള്ള രീതിയിലും കമന്റുകള്‍ എത്തുകയാണ്..
