അയോധ്യ പ്രതിഷ്ഠയിൽ സന്തോഷമറിയിച്ച് നടിയും സംവിധായകയുമായ രേവതി. ജനുവരി 22 അവിസ്മരണീയമായ ദിവസമായിരുന്നു. രാം ലല്ലയുടെ മുഖം കണ്ടപ്പോഴുണ്ടായ നിര്‍വൃതി ഒരു നവ്യാനുഭവമായിരുന്നുവെന്നും ഇങ്ങനെയൊരു ഭാഗം തനിക്കുള്ളിലുണ്ടെന്ന് അറിയുമായിരുന്നില്ലെന്നും താനൊരു വിശ്വാസിയാണെന്ന് ഉറക്കെ പറയാൻ ആഗ്രഹിക്കുന്നുവെന്നും താരം പറഞ്ഞു. സമൂഹമാധ്യമങ്ങളിലൂടെയായിരുന്നു പ്രതികരണം.
മതേതര ഇന്ത്യയെന്ന ആശയമാണ് ശക്തമായി തോന്നുന്നതും നമ്മുടെ മതവിശ്വാസങ്ങളെ വ്യക്തിപരമാക്കുന്നതും. എന്നാൽ രാമൻ അയോധ്യയിലേയ്ക്ക് മടങ്ങിവന്നത് താനുൾപ്പടെയുള്ള വിശ്വാസികളുടെ ഉള്ളിൽ കാര്യങ്ങളെ മാറ്റിമറിച്ചുവെന്നും രേവതി പറഞ്ഞു.
