മലപ്പുറം: പഠനയാത്ര കഴിഞ്ഞുവന്നിരുന്ന വിദ്യാര്‍ത്ഥികളെ സാമൂഹ്യവിരുദ്ധർ ആക്രമിച്ചു. കുറ്റിപ്പുറം കെഎംസിടി കോളജിളെ വിദ്യാർത്ഥികൾക്ക് നേരെയാണ് ആക്രമണം ഉണ്ടായത്. ബസ് തല്ലിപൊളിക്കാനും ശ്രമം നടന്നു. പാലക്കാട് ചാലിശ്ശേരി ആറങ്ങോട്ടുകരയില്‍ അധ്യാപകനെ ഇറക്കാന്‍ ബസ് നിര്‍ത്തിയപ്പോഴാണ് സംഭവം.
ബസിലെ വിദ്യാര്‍ത്ഥിനികളെ പ്രദേശവാസികളായ സാമൂഹ്യവിരുദ്ധര്‍ ശല്യം ചെയ്തിരുന്നു. ഇത് സഹപാഠികള്‍ ചോദ്യം ചെയ്തതിനെതുടര്‍ന്ന് വിദ്യാര്‍ത്ഥികളെ സാമൂഹ്യവിരുദ്ധര്‍ സംഘം ചേർന്ന് മര്‍ദിക്കുകയായിരുന്നു.വൈകീട്ട് ആറ് മണിയോടെയായിരുന്നു സംഭവം. പറമ്പിക്കുളത്തേക്കാണ് അധ്യാപകരും വിദ്യാര്‍ത്ഥികളും അടങ്ങുന്ന സംഘം യാത്ര പോയത്. ആറങ്ങോട്ടുകരയില്‍ ബസ് നിര്‍ത്തിയപ്പോൾ രണ്ട് പെണ്‍കുട്ടികളെ സാമൂഹ്യവിരുദ്ധര്‍ ശല്യപ്പെടുത്താന്‍ ശ്രമിക്കുകയായിരുന്നു. ഇത് ചോദ്യം ചെയ്യാന്‍ ബസില്‍ നിന്ന് കുറച്ച് ആണ്‍കുട്ടികള്‍ ഇറങ്ങിയപ്പോഴാണ് ആക്രമണം ഉണ്ടായത്. ചാലിശ്ശേരി പൊലീസ് സംഭവ സ്ഥലത്തെത്തി കേസെടുത്ത് മൊഴി രേഖപ്പെടുത്തി.
