നെടുമ്പാശ്ശേരിയിൽ നിന്നും ഉച്ചയ്ക്ക് രണ്ടു മണിക്ക് പുറപ്പെടേണ്ടിയിരുന്ന എയർ ഇന്ത്യ വിമാനം യന്ത്ര തകരാറിനെ തുടർന്ന് റദ്ദാക്കി. ഏറെ നേരത്തെ ആശങ്കകൾക്ക് ശേഷമാണ് വിമാനം റദ്ദാക്കിയതായി അധികൃതർ അറിയിപ്പ് നൽകിയത്. വിമാനം പുറപ്പെടുന്നതിന് തൊട്ടുമുമ്പേ യാത്രക്കാരെ വിമാനത്തിനുള്ളിൽ കയറ്റിയതിനു ശേഷമാണ് വിമാനത്തിന് സാങ്കേതിക തകരാർ ഉണ്ടെന്ന് അധികൃതർ കണ്ടെത്തിയത്. തുടർന്ന് യാത്രക്കാരെ ഉടൻ വിമാനത്തിൽ നിന്നും പുറത്തിറക്കുകയായിരുന്നു. എന്നാൽ, തകരാറിലായ വിമാനം എപ്പോൾ പുറപ്പെടുമെന്നോ യാത്രികർക്ക് പകരം യാത്രാ സംവിധാനങ്ങൾ ഒരുക്കുന്നതിനോ ആദ്യഘട്ടത്തിൽ എയർ ഇന്ത്യ അധികൃതർ തയാറായിരുന്നില്ല.
യന്ത്രതകരാർ, നെടുമ്പാശ്ശേരിയിൽ നിന്നും ദില്ലിയിലേക്ക് പുറപ്പെടേണ്ട എയർ ഇന്ത്യ വിമാനം റദ്ദാക്കി
