ഹൈദരാബാദ്: തെലങ്കാനയിൽ വ്യോമസേനാ പരിശീലന വിമാനം തകർന്നു വീണു. അപകടത്തിൽ രണ്ട് പൈലറ്റുമാർ മരണപ്പെട്ടു. പിസി 7 എംകെ II വിമാനമാണ് തകർന്നതെന്ന് എഎഫ്എ അറിയിച്ചു. വിമാനത്തിൽ ഉണ്ടായിരുന്ന രണ്ട് പൈലറ്റുമാരിൽ ഒരാൾ പരിശീലകനും മറ്റൊരാൾ പരിശീലനം നേടുന്ന പൈലറ്റുമായിരുന്നു. ഇരുവരുടെയും മരണം സ്ഥിരീകരിച്ചു.
എയർഫോഴ്സ് ട്രെയിനർ വിമാനമാണ് മേദക് ജില്ലയിൽ തകർന്നുവീണത്. ദൈനംദിന പരിശീലനത്തിന്റെ ഭാഗമായി ഹൈദരാബാദ് എയർഫോഴ്സ് അക്കാദമിയിൽ (എഎഫ്എ) നിന്നാണ് പറന്നുയർന്നത്.
