ബോളിവുഡ് താരം രാകുല് പ്രീത് സിംഗും നടൻ ജാക്കി ഭാഗ്നാനിയും വിവാഹിതരായി. ഇന്ന് ഗോവയില് നടന്ന ലളിതമായ ചടങ്ങിലാണ് ഇരുവരും വിവാഹിതരായത്.ബന്ധുക്കളും അടുത്ത സുഹൃത്തുക്കളും മാത്രമാണ് വിവാഹത്തില് പങ്കെടുത്തത്. ഐടിസി ഗ്രാൻഡ് സൗത്ത് ഗോവയില് വച്ചാണ് ഇരുവരുടെയും വിവാഹ ചടങ്ങുകള് നടന്നത്.
ശില്പ ഷെട്ടി, ആയുഷ്മാൻ ഖുറാന, അർജുൻ കപൂർ, ഡേവിഡ് ധവാൻ തുടങ്ങി സിനിമാ രംഗത്തുനിന്നുള്ള നിരവധിപ്പേർ താരങ്ങളുടെ വിവാഹത്തില് പങ്കെടുക്കാൻ ഗോവയില് എത്തിയിട്ടുണ്ട്. രണ്ട് ആചാരപ്രകാരമുള്ള വിവാഹ ചടങ്ങുകള് നടക്കുമെന്നാണ് വിവരം.
2021 ഓക്ടോബറിലാണ് ഇരുവരും പ്രണയത്തിലാണെന്ന വിവരം ഔദ്യോഗികമായി സ്ഥിരീകരിച്ചത്. പിന്നാലെ നിരവധി ചിത്രങ്ങളും സോഷ്യല് മീഡിയയില് ഇരുവരും പങ്കുവച്ചിരുന്നു. കമല്ഹാസൻ-ഷങ്കർ കൂട്ടുകെട്ടിലെത്തുന്ന ഇന്ത്യൻ 2വിലാണ് രാകുല് ഇപ്പോള് അഭിനയിക്കുന്നത്. അതേസമയം ജാക്കിയുടേതായി ഇനി പുറത്തിറങ്ങാനുള്ളത് അക്ഷയ് കുമാറും ടൈഗർ ഷ്റോഫും പ്രധാന കഥാപാത്രങ്ങളാകുന്ന ബഡേ മിയാൻ ഛോട്ടേ മിയാൻ എന്ന ചിത്രമാണ്.