ഭോപാല് : ‘അന്നപൂരണി’ എന്ന സിനിമയിലൂടെ മതവികാരം വ്രണപ്പെടുത്തിയെന്ന പരാതിയില് ചലച്ചിത്രതാരം നയൻതാരയ്ക്കെതിരെ കേസെടുത്ത് മധ്യപ്രദേശ് പൊലീസ്.അന്നപൂരണി ചിത്രത്തിന്റെ സംവിധായകൻ, നിര്മാതാവ്, നെറ്റ്ഫ്ലിക്സ് അധികൃതര് എന്നിവര്ക്കെതിരെയും കേസ് റജിസ്റ്റര് ചെയ്തിട്ടുണ്ട്.
ശ്രീരാമനെ നിന്ദിച്ചു, ലവ് ജിഹാദിനെ പ്രോത്സാഹിപ്പിച്ചു, മതവികാരങ്ങള് വ്രണപ്പെടുത്തി തുടങ്ങിയവ ആരോപിച്ചുള്ള ഹിന്ദു സേവാ പരിഷത്തിന്റെ പരാതിയിലാണ് കേസ്. വിവാദം ഉയര്ന്നതിനെ തുടര്ന്ന് സിനിമ നെറ്റ്ഫ്ലിക്സ് പിൻവലിച്ചു. നയൻതാര, സംവിധായകൻ നിലേഷ് കൃഷ്ണ, നിര്മാതാക്കളായ ജതിൻ സേതി, ആര്.രവീന്ദ്രൻ, നെറ്റ്ഫ്ലിക്സ് ഇന്ത്യ കണ്ടന്റ് ഹെഡ് മോണിക്ക ഷെര്ഗില് എന്നിവര്ക്കെതിരെയാണു കേസ്.
ഇക്കഴിഞ്ഞ ഡിസംബര് ആദ്യമാണ് അന്നപൂരണി തിയറ്ററുകളിലെത്തിയത്. ഡിസംബര് അവസാനം നെറ്റ്ഫ്ലിക്സ് വഴി ചിത്രം പ്രദര്ശനം തുടങ്ങിയതോടെയാണ് വ്യാപക വിമര്ശനങ്ങളും പരാതികളും ഉയര്ന്നത്. നയൻതാരയ്ക്കും മറ്റുള്ളവര്ക്കുമെതിരെ മുംബൈയില് ബജ്റങ്ദള്, ഹിന്ദു ഐടി സെല് എന്നിവരും പരാതികള് നല്കിയിരുന്നു.