ഉറങ്ങിക്കിടന്നവരുടെ ഇടയിലേക്ക് ബൈക്ക് ഇടിച്ചുകയറി ഭിന്നശേഷിക്കാരൻ മരിച്ചു.പത്തുപേര്‍ക്ക് പരിക്കേറ്റു.രണ്ടുപേരുടെ നില ഗുരുതരമാണ്. തമിഴ്നാട് കൊടമംഗലം സ്വദേശികളാണ് അപകടത്തില്‍പ്പെട്ടത്. ഇന്നലെ രാത്രി കൊല്ലം ജ്യോനകപുറം ഹാർബറിനുള്ളിൽ റോഡിൽവെച്ചാണ് സംഭവം നടന്നത്.
തമിഴ്നാട് സ്വദേശികളായ 10 ഓളം പേരുടെ മേൽ മദ്യലഹരിയിൽ ബൈക്ക് ഓടിച്ച് കയറ്റി.തമിഴ്നാട് സ്വദേശി പരശുറാം ആണ് മരിച്ചത്.ഗുരുതരമായി പരിക്കേറ്റ രാജി സരസ്വതി എന്നിവരെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.ബൈക്കോടിച്ച പള്ളിത്തോട്ടം സ്വദേശി സിബിൻ പൊലീസ് കസ്റ്റഡിയിൽ ആണ്.
