കൊച്ചി: കരുവന്നൂർ ബാങ്ക് തട്ടിപ്പ് കേസിൽ വടക്കാഞ്ചേരി നഗരസഭ കൗൺസിലർ സിപിഎം നേതാവ് മധു അമ്പലപുരവും മുൻ ഡിവൈഎസ്പി ഫേമസ് വർഗീസും വീണ്ടും ഇഡിക്ക് മുന്നിൽ. കേസിലെ ഒന്നാം പ്രതിയായ സതീഷ് കുമാര്‍ മധുവിന്‍റെ പേരിലും നിക്ഷേപം നടത്തിയതായാണ് ഇഡി സംശയിക്കുന്നത്. കരുവന്നൂർ ബാങ്കിൽ നിക്ഷേപിച്ച പണവുമായി ബന്ധപ്പെട്ട സതീഷ് കുമാറിന്റെ തർക്കം പരിഹരിക്കാൻ ഇരിങ്ങാലക്കുട മുൻ ഡിവൈഎസ്പിയായിരുന്ന ഫേമസ് വർഗീസ് ഇടനിലക്കാരനായിരുന്നു. ഇതിനെക്കുറിച്ചുള്ള വിവരങ്ങൾ അറിയാനാണ് ഇദ്ദേഹത്തെ വീണ്ടും ഇഡി വിളിച്ച് വരുത്തിയത്. നേരത്തെ നൽകിയ മൊഴിയിൽ മറ്റ് ഇടപാട് ഒന്നും മുഖ്യപ്രതിയുമായി ഉണ്ടായിട്ടില്ലെന്നാണ് പറഞ്ഞത്. എന്നാലിക്കാര്യത്തിൽ ഇനിയും വ്യക്തത വരേണ്ടതുണ്ടെന്നാണ് ഇഡിയുടെ നിലപാട്.
കരുവന്നൂർ ബാങ്ക് തട്ടിപ്പ് കേസ്; നഗരസഭ കൗൺസിലറും ഇടനിലക്കാരനായ മുൻ ഡിവൈഎസ്പിയും വീണ്ടും ഹാജരാകാൻ ഇഡി
