കടുത്തുരുത്തി: കടുത്തുരുത്തി സെന്റ് മൈക്കിൾസ് സ്കൂളിൽ അധ്യാപക ദിനം വിവിധ പരിപാടികളോടെ ആചരിച്ചു. വിദ്യാർത്ഥികൾ ചേർന്ന് എല്ലാ അധ്യാപകരെയും, ആദരിക്കുകയും, അധ്യാപകർക്ക് സമ്മാനങ്ങൾ നൽകുകയും ചെയ്തു. അധ്യാപകരെ കളഭം ചാർത്തിയും, കുട്ടികൾ തന്നെ തയ്യാറാക്കിയ ബോട്ടിൽ ആർട്ട് വർക്കുകൾ ഉൾപ്പെടുത്തിയ പൂച്ചെണ്ടുകൾ നൽകിയുമാണ് അധ്യാപകരെ ആദരിച്ചത്. അധ്യാപകദിന സന്ദേശം, ആശംസ ഗാനങ്ങൾ, അധ്യാപക അനുകരണങ്ങൾ, വിശേഷണങ്ങൾ, ആശംസ കാർഡുകളുടെ വിതരണം, സമ്മാനവിതരണം എന്നിവയെല്ലാം ഉൾപ്പെടുത്തിയുള്ള പരിപാടികളാണ് സംഘടിപ്പിച്ചത്.
വിദ്യാർത്ഥികൾ വിവിധ കലാപരിപാടികളും അവതരിപ്പിച്ചു. ഒൻപതാം ക്ലാസിലെ വിദ്യാർത്ഥികളാണ് പരിപാടികൾക്ക് നേതൃത്വം നൽകിയത്.
