പറവൂർ എസ്എൻഡിപി യൂണിയന്റെ നേതൃത്വത്തിൽ എസ് എൻ വി സംസ്കൃത ഹയർ സെക്കൻഡറി സ്കൂളിൽ മെയ് 9 , 10 , 11 വെള്ളി, ശനി, ഞായർ തീയതികളിൽ നടത്തപ്പെടുന്ന ശ്രീനാരായണ ദർശനോത്സവത്തിൻ്റെ രണ്ടാം ദിനമായ മെയ് 10 ശനിയാഴ്ച യൂണിയൻതല വൈദികയോഗത്തിന്റെ കാർമികത്വത്തിൽ രാവിലെ 6.30 ന് പൂജാദി കർമങ്ങളോടെ തുടക്കം കുറിച്ചു. തുടർന്ന് വടക്കൻ പറവൂർ ശ്രീനാരായണ സത് സംഘത്തിന്റെ ഭജനയ്ക്ക് ശേഷം രാവിലെ 9 . 30 ശ്രീ ബിജു പുളിക്കലേടത്ത് പ്രഭാഷണം നടത്തി. രാവിലെ 11 ന് നടന്ന ദർശനോത്സവ ഉദ്ഘാടന സമ്മേളനത്തിന് ഗുരുസ്മരണയോടെ ആരംഭം കുറിക്കുകയും യൂണിയൻ ചെയർമാൻ ശ്രീ സി എൻ രാധാകൃഷ്ണൻ അവർകളുടെ അധ്യക്ഷതയിൽ പറവൂർ മുനിസിപ്പൽ ചെയർപേഴ്സൺ ശ്രീമതി ബീന ശശിധരൻ ഭദ്രദീപ പ്രകാശനം നടത്തുകയും, എസ്എൻഡിപി യോഗം ഡയറക്ടർ ബോർഡ് അംഗം ശ്രീ എം പി ബിനു ആമുഖ പ്രസംഗം നടത്തുകയും ചെയ്തു. യൂണിയൻ കൺവീനർ ശ്രീ ഷൈജു മനക്കപ്പടി സ്വാഗതം ആശംസിക്കുകയും, എസ്എൻഡിപി യോഗം പ്രസിഡന്റ് ഡോ. എം എൻ സോമൻ ദർശനോത്സവ സമ്മേളനം ഉദ്ഘാടനം നിർവഹിക്കുകയും ചെയ്തു. മുഖ്യ അതിഥിയായി കേരള നിയമസഭാ പ്രതിപക്ഷ നേതാവ് അഡ്വ .വി ഡി സതീശനും ഹൈബി ഈഡൻ എംപിയും ദർശനോത്സവ വേദിയിൽ സംസാരിച്ചു. മുഖ്യപ്രഭാഷണം ദേവസ്വം സെക്രട്ടറി ശ്രീ അരയക്കണ്ടി സന്തോഷ് നിർവഹിച്ചു. ജില്ലാ പഞ്ചായത്ത് മെമ്പർ അനിൽകുമാർ, ബ്ലോക്ക് വൈസ് പ്രസിഡന്റ് ഇ എസ് സനീഷ്, എസ്എൻഡിപി യോഗം കൗൺസിലർ ശ്രീമതി ഷീബ ടീച്ചർ അനുഗ്രഹ പ്രഭാഷണം നടത്തി. നോർത്ത് പറവൂർ മുനിസിപ്പൽ വൈസ് ചെയർമാൻ ശ്രീ എം ജെ രാജു ദർശനോത്സവ സന്ദേശവും, എസ്എൻഡിപി യോഗം ഡയറക്ടർ ബോർഡ് അംഗം ശ്രീ പി എസ് ജയരാജ് സംഘടന സന്ദേശവും, എസ്എൻഡിപി യോഗം ഇൻസ്പെക്റ്റിംഗ് ഓഫീസർ ശ്രീ ഡി ബാബു ഗുരുദേവ സന്ദേശവും നൽകി. ബ്ലോക്ക് പഞ്ചായത്ത് പ്രസിഡന്റ് ശ്രീമതി കമല സദാനന്ദൻ, ബിജോയ് ബാബു, ശ്രീ എം കെ ആഷിക് , അഡ്മിനിസ്ട്രേറ്റീവ് കമ്മിറ്റി അംഗങ്ങളായ ശ്രീ ഡി പ്രസന്നകുമാർ, ശ്രീ കണ്ണൻ കൂട്ടുകാട്, ശ്രീ കെ ബി സുഭാഷ്, ശ്രീ ടി എം ദിലീപ്, ശ്രീ വി എൻ നാഗേഷ് , ശ്രീ വി പി ഷാജി, യൂണിയൻ പഞ്ചായത്ത് കമ്മിറ്റി ശ്രീ ടി പി രാജേഷ്, യൂത്ത് മൂവ്മെന്റ് കൺവീനർ ശ്രീ അനീഷ് തിരുത്തിപ്പുറം, പെൻഷനേഴ്‌സ് ഫോറം സെക്രട്ടറി ശ്രീ ഇ പി തമ്പി, എംപ്ലോയിസ് ഫോറം സെക്രട്ടറി ബൈജു മടപ്ലാതുരുത് , സൈബർ സേന ശ്രീ സുധി വള്ളുവള്ളി ,സൈബർ സേന ശ്രീ അരുൺ കരിമ്പാടം ,എം എഫ് ഐ കോഡിനേറ്റർ ശ്രീ ഗോപാലകൃഷ്ണൻ, ദർശനോത്സവം കോഡിനേറ്റർ ശ്രീ പ്രവീൺ കുഞ്ഞിതൈ തുടങ്ങിയവർ ആശംസ അർപ്പിച്ച് സംസാരിച്ചു. വനിതാ സംഘം സെക്രട്ടറി ശ്രീമതി ബിന്ദു ബോസിന്റെ കൃതജ്ഞതയോടെ സമ്മേളന പരിപാടികൾ അവസാനിച്ചു. തുടർന്ന് 2 മണിക്ക് ആശ പ്രദീപിന്റെ പ്രഭാഷണം നടക്കുകയും അതിനുശേഷം 3 .30 മുതൽ യൂണിയന്റെ കീഴിലുള്ള 72 ശാഖാ യോഗങ്ങളിലെയും കലാകാരികൾ അവതരിപ്പിച്ച കലാപരിപാടികൾ അരങ്ങേറി. തുടർന്ന് വൈകിട്ട് 6 ന് സമർപ്പണയോടെ ദർശനോത്സവത്തിന്റെ രണ്ടാം ദിന പരിപാടികൾ അവസാനിച്ചു.