ആലപ്പുഴ: ആലപ്പുഴയിൽ യുവാവും യുവതിയും ട്രെയിൻ തട്ടി മരിച്ച നിലയിൽ കണ്ടെത്തി. അരൂക്കുറ്റി പള്ളാക്കൽ ശ്രീകുമാർ ആണ് മരിച്ച പുരുഷൻ. മരിച്ച യുവതിയെ ഇതുവരെ തിരിച്ചറിഞ്ഞിട്ടില്ല. എഫ് സി ഐ ഗോഡൗണിന് സമീപമുള്ള റെയിൽവേ ട്രാക്കിലാണ് ഇരുവരുടെയും മൃതദേഹങ്ങൾ കണ്ടെത്തിയിരിക്കുന്നത്. പുലർച്ചെ മൂന്ന് മണിക്കുള്ള മാവേലി എക്സ്പ്രസ്സ് തട്ടിയാണ് മരണം നടന്നിരിക്കുന്നത്.
ഇരുവരുടെയും മൃതദേഹങ്ങൾ വണ്ടാനം മെഡിക്കൽ കോളേജ് ആശുപത്രിയിലെ മോർച്ചറിയിലേക്ക് മാറ്റി. അപകടം നടന്ന സ്ഥലത്തുനിന്നും ഒരു ബുള്ളറ്റ് കണ്ടെത്തിയിരുന്നു. ഈ ബുള്ളറ്റിൽ നിന്നുമാണ് മരിച്ച പുരുഷന്റെ വിവരം ലഭിച്ചത്.പൊലീസ് അന്വേഷണം ആരംഭിച്ചിട്ടുണ്ട്.
