വൈക്കം: ഗാന്ധി ദര്‍ശനങ്ങളുടെ പൊരുള്‍ ഉള്‍ക്കൊണ്ട് മതേതരത്വ മൂല്യങ്ങള്‍ ഉയര്‍ത്തി പിടിക്കുന്ന ജനാധിപത്യ ശക്തികളുടെ ഐക്യം കെട്ടിപ്പെടുക്കാന്‍ കോണ്‍ഗ്രസ്സ് മുന്‍നിര പ്രവര്‍ത്തനം നടത്തണമെന്ന് കെ പി സി സി അച്ചടക്ക സമിതി ചെയര്‍മാന്‍ തിരുവഞ്ചൂര്‍ രാധാകൃഷ്ണന്‍ എം. എല്‍.എ പറഞ്ഞു. പാര്‍ട്ടിയില്‍ നിന്ന് കൈവിട്ട് പോയവരെ തിരിച്ചു കൊണ്ടുവന്ന് കോണ്‍ഗ്രസ്സ് പ്രസ്ഥാനം വലിയ ശക്തിയായി മാറിയെന്ന് പൊതു സമൂഹത്തെ ബോധ്യപ്പെടുത്താന്‍ ഓരോ കോണ്‍ഗ്രസ്സുകാരനും ഉണര്‍ന്ന് പ്രവര്‍ത്തിക്കണമെന്നും അദ്ദേഹം പറഞ്ഞു.ഉദയനാപുരം മണ്ഡലം 2-ാം വാര്‍ഡ് കോണ്‍ഗ്രസ്സ് കമ്മിറ്റി നടത്തിയ മഹാത്മാഗാന്ധി കുടുംബസംഗമം ഉദ്ഘാടനം ചെയ്യുകയായിരുന്നു അദ്ദേഹം. മണ്ഡലം പ്രസിഡന്റ് സജീവ് ഫ്രാന്‍സിസ് അദ്ധ്യക്ഷത വഹിച്ചു. കെ പി സി സി അംഗം മോഹന്‍. ഡി. ബാബു മുഖ്യപ്രഭാഷണം നടത്തി. സുജാത കളരിക്കത്തറ, പി.ഡി. ഉണ്ണി, എം. ഗോപാലകൃഷ്ണന്‍, പി.ഡി. ജോര്‍ജ്, അക്കരപ്പാടം ശശി, വി. ബിന്‍സ്, മനോഹരന്‍ അടിയാപ്പറമ്പില്‍ എന്നിവര്‍ പ്രസംഗിച്ചു. മികച്ച വിജയം നേടിയ വിദ്യാര്‍ത്ഥികളെയും മുതിര്‍ന്ന കോണ്‍ഗ്രസ്സ് പ്രവര്‍ത്തകരേയും ആദരിച്ചു. തൊഴിലുറപ്പ് തൊഴിലാളികള്‍ക്ക് റെയിന്‍ കോട്ടും വിതരണം ചെയ്തു.
ജനാധിപത്യ ശക്തികളുടെ ഐക്യം കെട്ടിപ്പെടുക്കാന്‍കോണ്‍ഗ്രസ്സ് മുന്‍നിര പ്രവര്‍ത്തനം നടത്തണം : തിരുവഞ്ചൂര്‍ രാധാകൃഷ്ണന്‍ എം. എല്‍.എ
