പാലക്കാട് മൊബൈൽ ഫോൺ പിടിച്ചു
വെച്ചതിന് അധ്യാപകർക്ക് നേരെ കൊലവിളി
നടത്തി വിദ്യാർത്ഥി. പാലക്കാട് ആനക്കര ഗവ
ഹയർ സെക്കണ്ടറി സ്കൂളിലാണ് സംഭവം.
തൃത്താല പൊലീസിൽ അധ്യാപകർ പരാതി
നൽകും. വെള്ളിയാഴ്ചയാണ് സംഭവം
നടന്നത്. സ്കൂളിൽ മൊബൈൽ കൊണ്ട്
വരരുതെന്ന് കർശന നിർദേശം ഉണ്ടായിരുന്നു.
ഇത് ലംഘിച്ച് മൊബൈലുമായി വന്ന
വിദ്യാർത്ഥിയെ അധ്യാപകൻ പിടിച്ചു. ഫോൺ
അധ്യാപകൻ, പ്രധാന അധ്യാപകന്റെ
കൈവശം ഏൽപ്പിച്ചു. ഇത് ചോദിക്കാൻ വേണ്ടിയാണ് വിദ്യാർത്ഥിപ്രധാന അധ്യാപകന്റെ മുറിയിൽ എത്തിയത്.തനിക്ക് മൊബൈൽ തിരിച്ച് വേണമെന്ന വാശിയിലാണ് വിദ്യാർത്ഥി സംസാരിച്ചത്. ഇത്ചോദ്യം ചെയ്തതോടെ വിദ്യാർത്ഥിഅധ്യാപകരോട് കയർത്തു. ഈ മുറിക്ക്അകത്ത് തന്നെ മാനസികമായി പീഡിപ്പിച്ചുഎന്ന് നാട്ടുകാരോട് മുഴുവൻ
പറയുമെന്നായിരുന്നു ആദ്യം വിദ്യാർത്ഥിയുടെ
ഭീഷണി.
ദൃശ്യങ്ങൾ അടക്കം പ്രചരിപ്പിക്കുമെന്നും
വിദ്യാർത്ഥി പറഞ്ഞു. ഇതുകൊണ്ടും
അധ്യാപകൻ വഴങ്ങാതെ ഇരുന്നതോടെ
പുറത്ത് ഇറങ്ങിയാൽ കാണിച്ച്
തരാമെന്നായിരുന്നു വിദ്യാർത്ഥിയുടെ ഭീഷണി.
പുറത്ത് ഇറങ്ങിയാൽ എന്താണ് ചെയ്യുക എന്ന്
അധ്യാപകൻ ചോദിച്ചതോടെ കൊന്നു
കളയുമെന്നായിരുന്നു പ്ലസ് വൺ വിദ്യാർത്ഥിയുടെ ഭീഷണി. തൃത്താല
പൊലീസിൽ പരാതി നൽകുമെന്ന്
അധ്യാപകർ വ്യക്തമാക്കി.
