എൻ എൻ ബൈജു രചനയും സംവിധാനവും നിർവഹിച്ച ലൈഫ് ഓഫ് മാൻഗ്രോവ് എന്ന ചിത്രത്തിന്റെ പ്രിവ്യൂ ഷോ കഴിഞ്ഞപ്പോൾ പ്രേക്ഷകരുടെ മനസ്സിനെ ആവാഹിച്ചെടുത്ത മികച്ച ചിത്രമായി മാറി. മാതാപിതാക്കൾ നഷ്ടപ്പെട്ട അഞ്ചു എന്ന ഏഴാം ക്ലാസ് വിദ്യാർത്ഥിനിയുടെ ഹൃദയസ്പർശിയായ ജീവിത കഥ പുസ്തകം ആകുന്നതാണ് ലൈഫ് ഓഫ് മാൻ ഗ്രോവ് എന്ന ടൈറ്റിൽ.
കണ്ടൽക്കാടുകളുടെ സംരക്ഷണവും കാൻസർ കാർന്നു തിന്നുന്ന ഒരു ഗ്രാമപ്രദേശവും,ഒപ്പം തന്നെ ക്യാൻസർ രോഗിയായ കുട്ടിയുടെ അതിജീവനവും ചിത്രത്തിലൂടെ വരച്ചുകാട്ടപ്പെടുന്നു. പ്ലാസ്റ്റിക് മാലിന്യങ്ങളുടെ കൂമ്പാരം സമൂഹത്തിൽ എത്രമാത്രം വിപത്ത് ഉണ്ടാക്കുന്നു എന്നും ദൃശ്യവൽക്കരിച്ചിട്ടുണ്ട്. അതിമനോഹരമായ ഗാനങ്ങളുള്ള ചിത്രത്തിൽ നിരവധി മേളകളിൽ മത്സരിക്കുന്നുമുണ്ട്.ചിത്രം ഉടൻ തിയേറ്ററുകളിലെത്തും.
എസ് ആൻഡ് എച്ച് ഫിലിംസിന്റെ ബാനറിൽ ശോഭനായർ, പി വി ഹംസകൂറ്റനാട്, ഉമ്മർ പട്ടാമ്പി, സതീഷ് പൈങ്കുളം എന്നിവർ ചേർന്ന ചിത്രത്തിൽ
നിതിൻ തളിക്കുളം, ഡി ഒ പി യും എഡിറ്റർ ജി മുരളി എഡിറ്റിങ്ങും നിർവഹിക്കുന്നു.ഡി ബി അജിത് കുമാറിന്റെ വരികൾക്ക് ജോസി ആലപ്പുഴയാണ് സംഗീതം പകർന്നിരിക്കുന്നത്. പ്രൊഡക്ഷൻ കൺട്രോളർ ശ്യാം പ്രസാദ്. ചീഫ് അസോസിയറ്റ് ഡയറക്ടർ രതീഷ് ഷൊർണൂർ, അസോസിയേറ്റ് ഡയറക്ടർ സോനാ ജയപ്രകാശ് ,മേക്കപ്പ് ബിനോയ് കൊല്ലംപി ആർ ഒ എം കെ ഷെജിൻ
സുധീർ കരമന, ദിനേശ് പണിക്കർ, നിയാസ് ബക്കർ, കോബ്ര രാജേഷ്, ഐഷ ബീന, ഗാത്രി വിജയ്, ഷിബിൻ ഫാത്തിമ, സതീഷ് പൈങ്കുളം, നസീർമുഹമ്മദ്.തുടങ്ങിയവരാണ് ചിത്രത്തിലെ അഭിനേതാക്കൾ.
