പറവൂർ ; മുനമ്പം ജനതയുടെ റവന്യൂ അവകാശങ്ങൾ പുന:സ്ഥാപിക്കും വരെ സമരം തുടരുമെന്ന്സി.എൽ.സി. സംസ്ഥാന കമ്മിറ്റി വ്യക്തമാക്കി. കുടിയിറക്കൽ ഭീഷണി മൂലം ആശങ്കയിലായ മുനമ്പം ജനതയുടെ റവന്യൂ അവകാശങ്ങൾ പുന:സ്ഥാപിക്കണം എന്ന് ആവശ്യപ്പെട്ടുകൊണ്ട് ഒരു ലക്ഷം പേരുടെ ഒപ്പുകൾ ശേഖരിച്ച് നൽകുന്നതിന്റെ ആദ്യ ഘട്ടമായി ചെറായി പോസ്റ്റ് ഓഫീസിൽ നിന്നു o ഇരുപത്തയ്യായിരം ഒപ്പുകൾ സ്പീഡ് പോസ്റ്റ് ചെയ്തു. സംസ്ഥാന പ്രസിഡന്റ് സാജു തോമസ്, മുനമ്പം വേളാങ്കണ്ണി മാതാ പള്ളി വികാരി ഫാ.ആന്റണി സേവ്യർ തറയിൽ , എന്നിവർ ചേർന്ന് പോസ്റ്റ് മാസ്റ്റർക്ക് ഒപ്പുകൾ അടങ്ങിയ കവർ കൈമാറി . മോഡറേറ്റർ സി.എൽ സി ചെമ്മായത്ത്, ദേശീയ കൗൺസിൽ അംഗം ഷീല ജോയി., ഷോബി. K. പോൾ, ജോസി കോണത്ത്, ജെസ്സ് മോൻ തോമസ്, ജോഷി സ്രാ ബിക്കൽ, സാജു പുത്തൻ വീട്ടിൽ എന്നിവർ സംസാരിച്ചു.
മുനമ്പം ജനതയുടെ റവന്യൂ അവകാശങ്ങൾ പുന:സ്ഥാപിക്കും വരെ സമരം തുടരും ; സി.എൽ സി
