മണ്ണാർക്കാട് : പ്രായപൂർത്തിയാകാത്ത പെൺകുട്ടിക്കുനേരെ ലൈംഗികാതിക്രമം നടത്തിയെന്ന പരാതിയിൽ യുവാവിനെ മണ്ണാർക്കാട് പോലീസ് അറസ്റ്റ് ചെയ്തു. ശ്രീകൃഷ്ണപുരം ആലിക്കൽ വീട്ടിൽ മുഹമ്മദ് അസ്‌ലം (22) ആണ് അറസ്റ്റിലായത്. സാമൂഹികമാധ്യമം വഴിയാണ് പ്രതി പെൺകുട്ടിയെ പരിചയപ്പെട്ടത്. മണ്ണാർക്കാട് ഇൻസ്‌പെക്ടറുടെ ചാർജുള്ള നാട്ടുകൽ ഇൻസെപക്ടർ ഹബീബുള്ളയുടെ നേതൃത്വത്തിലാണ് പ്രതിയെ അറസ്റ്റ് ചെയ്തത്. എസ്.ഐ. അജാസുദീൻ, എ.എസ്.ഐ.മാരായ ഒ.കെ. സുരേഷ്‌കുമാർ, സീന, കെ.ആർ. വിനയൻ, സിവിൽ പോലീസ് ഓഫീസർമാരായ കെ.സി. വിജയൻ, വിനോദ് കുമാർ, സി.പി.ഒ. റംഷാദ്, സ്മിജേഷ്‌ എന്നിവരും അന്വേഷണസംഘത്തിലുണ്ടായിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
ലൈംഗികാതിക്രമം നടത്തിയെന്ന പരാതിയിൽ യുവാവ് അറസ്റ്റിൽ
