കോട്ടയം : കാണക്കാരി രവി എഴുത്ത് പുരസ്കാരത്തിന് എൻട്രികൾ ക്ഷണിച്ചു. മുതിർന്ന മാധ്യമപ്രവർത്തകനായ കാണക്കാരി രവിയുടെ സ്മരണാർത്ഥം കേരള ജേർണലിസ്റ്റ് യൂണിയൻ കോട്ടയം ജില്ലാ കമ്മറ്റിയാണ് പുരസ്കാരം നൽകുന്നത്. കോട്ടയം ജില്ലയിലെ പ്രാദേശിക ലേഖകർ , കരാർ അടിസ്ഥാനത്തിൽ റിപ്പോർട്ടിംഗ് ജോലി ചെയ്യുന്നവർ തുടങ്ങിയവർക്ക് പുരസ്കാരത്തിന് എൻട്രികൾ നൽകാം. ക്യാഷ് അവാർഡ് , പ്രശംസാപത്രം , ഫലകം എന്നിവയടങ്ങുന്നതാണ് പുരസ്കാരം. 2024 ഒക്ടോബർ രണ്ടിന് നടക്കുന്ന പൊതുപരിപാടിയിൽ കാണക്കാരി രവി എഴുത്ത് പുരസ്കാരം സമ്മാനിക്കുമെന്ന് ജില്ലാ പ്രസിഡന്റ് കുടമാളുർ രാധാകൃഷ്ണൻ , സെക്രട്ടറി വിപിൻ അറയ്ക്കൽ എന്നിവർ അറിയിച്ചു. 2023 ജൂൺ ഒന്ന് മുൽ 2024 ജൂലൈ 31 വരെ പത്രമാധ്യമത്തിൽ പ്രസിദ്ധീകരിച്ച സാസ്കാരിക – ജനറൽ സ്വഭാവമുള്ള വാർത്തകളാണ് എൻട്രികളായി സ്വീകരിക്കുക. ബ്യൂറോ ചീഫ് സാക്ഷ്യപ്പെടുത്തിയ വാർത്തകൾ newskumarakom@gmail.com എന്ന ഇമെയിലിലേയ്ക്ക് മത്സരാർത്ഥിയുടെ അടിസ്ഥാന വിവരങ്ങൾ സഹിതം അയക്കാവുന്നതാണ്. വിശദവിവരങ്ങൾക്ക് 9544385602 / 9495704644/9961380000 എന്നീ നമ്പറുകളിൽ ബന്ധപ്പെടുക.
കാണക്കാരി രവി എഴുത്ത് പുരസ്കാരം എൻട്രികൾ ക്ഷണിച്ചു
