എറണാകുളം-അങ്കമാലി അതിരൂപതാ സാമൂഹ്യപ്രവർത്തന വിഭാഗമായ സഹൃദയ, മലയാള മനോരമ, സുഡ് കെമി ഇൻഡ്യ പ്രൈവറ്റ് ലിമിറ്റഡ് എന്നിവർ സംയുക്തമായി സംഘടിപ്പിക്കുന്ന ത്രിദിന അലങ്കാര മെഴുകുതിരി നിർമാണ പരിശീലനം പൊന്നുരുണി സഹൃദയ ഓഡിറ്റോറിയത്തിൽ കൊച്ചി നഗരസഭാ മേയർ അഡ്വ. വി. കെ. മിനിമോൾ ഉദ്ഘാടനം ചെയ്തു. സ്വന്തം അഭിരുചിയും കഴിവുകളും മനസിലാക്കി അനുയോജ്യമായ സംരംഭങ്ങൾ നടപ്പാക്കുന്നതിലൂടെ ജീവിതവിജയം നേടാനാവുമെന്ന് മേയർ അഭിപ്രായപ്പെട്ടു. . പഠിച്ചു ജോലിനേടുക എന്നതിൽ നിന്ന് ജോലി നേടുവാനായി പഠിക്കുക എന്ന രീതിയിലേക്ക് ലോകം മാറിയത് നാം മനസിലാക്കണമെന്നും അവർ പറഞ്ഞു. സഹൃദയ ഡയറക്ടർ ഫാ. ആൻറണി പുതിയാപറമ്പിൽ അധ്യക്ഷനായിരുന്നു. സുഡ് കെമി ഇൻഡ്യ പ്രൈവറ്റ് ലിമിറ്റഡ് അസിസ്റ്റന്റ് വൈസ് പ്രസിഡന്റ് സജി. വി. മാത്യു മുഖ്യപ്രഭാഷണം നടത്തി. മലയാള മനോരമ പബ്ലിക്കേഷൻസ് ഹെഡ് കുരുവിള ഈപ്പൻ, സഹൃദയ ചീഫ് കൺസൽട്ടൻറ് തോമസ് കടവൻ , സഹൃദയ ജനറൽ മാനേജർ പാപ്പച്ചൻ തെക്കേക്കര എന്നിവർ സംസാരിച്ചു. 125 പേരാണ് പരിശീലനത്തിൽ പങ്കെടുക്കുന്നത്. സാധാരണ മെഴുകുതിരികളുടെയും അലങ്കാര തിരികളുടെയും നിർമാണം, നിറങ്ങളും സുഗന്ധങ്ങളും ചേർക്കുന്ന രീതികൾ, വിപണി സാദ്ധ്യതകൾ എന്നിവയെക്കുറിച്ചെല്ലാം അറിവുലഭിക്കുന്ന പരിശീലനം നാളെ സമാപിക്കും.
ഫോട്ടോ: സഹൃദയ, മലയാള മനോരമ, സുഡ് കെമി ഇൻഡ്യ പ്രൈവറ്റ് ലിമിറ്റഡ് എന്നിവർ സംയുക്തമായി സംഘടിപ്പിക്കുന്ന ത്രിദിന അലങ്കാര മെഴുകുതിരി നിർമാണ പരിശീലനത്തിന്റെ ഉദ്ഘാടനം കൊച്ചി നഗരസഭാ മേയർ അഡ്വ. വി. കെ. മിനിമോൾ നിർവഹിക്കുന്നു. തോമസ് കടവൻ, ലിസി ആൻറണി, ഫാ. ആൻറണി പുതിയാപറമ്പിൽ, സജി. വി. മാത്യു, കുരുവിള ഈപ്പൻ, പാപ്പച്ചൻ തെക്കേക്കര എന്നിവർ സമീപം.
ജീസ് പി പോൾ
മീഡിയ മാനേജർ
8943710720
