ഏലപ്പാറയിൽ കർഷക സഭയും ഞാറ്റുവേല ചന്തയും സംഘടിപ്പിച്ചു

പീരുമേട്:
ഏലപ്പാറ കൃഷിഭവന്റെ ആഭിമുഖ്യത്തിൽ കർഷക സഭയും ഞാറ്റുവേല ചന്തയും സംഘടിപ്പിച്ചു. ഏലപ്പാറ പഞ്ചായത്ത് കൃഷിഭവൻ ഹാളിൽ വെച്ച് നടന്ന ചടങ്ങ് പഞ്ചായത്ത് പ്രസിഡന്റ് ഒ. എസ്. ഉമർ ഫറൂഖ് ഉദ്ഘാടനം ചെയ്തു.
പഞ്ചായത്ത് വൈസ് പ്രസിഡന്റ് ചിത്ര എം. രാജൻ ചടങ്ങിൽ അധ്യക്ഷത വഹിച്ചു. കൃഷി ഓഫീസർ പ്രിൻസി ജോൺ മുഖ്യപ്രഭാഷണം നടത്തി. നൂറ്റമ്പതോളം കർഷകർ പങ്കെടുത്ത യോഗത്തിൽ വിവിധ പഞ്ചായത്ത് ജനപ്രതിനിധികളും രാഷ്ട്രീയ, സാമൂഹിക, സാംസ്കാരിക മേഖലകളിലെ പ്രമുഖരും സംബന്ധിച്ചു.