തിരുവനന്തപുരം : അര നൂറ്റാണ്ട് കാലമായി തലസ്ഥാന നഗരിയിൽ പത്രപ്രവർത്തന രംഗത്ത് നിറഞ്ഞു നിൽക്കുന്ന കലാപ്രേമി ദിനപത്രത്തിന്റെ പത്രാധിപരായ കലാപ്രേമി ബഷീറിന് നമ്മ കരിച്ചാറ കർമ്ശ്രേഷ്ഠ പുരസ്കാരം നൽകി ആദരിക്കുന്നു.ജൂലൈ 25 ശനിയാഴ്ച നന്മ കരിച്ചാറയുടെ വിദ്യാഭ്യാസ അവാർഡ് ദാന ചടങ്ങിൽവെച്ച് ബഹു.സംസ്ഥാന പൊതു ഗതാഗത വകുപ്പ് മന്ത്രി ശ്രീ സി പി ജോൺ പുരസ്കാരവും പ്രശസ്തി പത്രവും നൽകി ആദരിക്കുന്ന താണെന്ന് നന്മ കരിച്ചാറ ഭാരവാഹികൾ അറിയിച്ചു.
ചടങ്ങിൽ രമ്യ ഹരിദാസ് എം ൽ എ,ജില്ലാ പഞ്ചായത്ത് മെമ്പർ മാഹാണി ജസീം മറ്റു സാമൂഹിക സാംസ്കാരിക രംഗത്തെ പ്രമുഖർ പങ്കെടുക്കും.
ഒരു മാധ്യമ സ്ഥാപനത്തിൽ ജോലിയിൽ പ്രവേശിച്ചു പ്രവർത്തനം തുടങ്ങി ഒരു മാധ്യമ സ്ഥാപനം തന്നെ സ്ഥാപിച്ച് പത്രാധിപരായ വ്യക്തിയാണ് ശ്രീ കാലപ്രേമി ബഷീർ…
വിശ്വകേരളം, കേരള കൗമുദി, പ്രഭാതം, തൊഴിലാളി, കൗമുദി,ചന്ദ്രിക തുടങ്ങിയ പത്രങ്ങളിൽ വിവിധ മേഖലകളിൽ പ്രവർത്തിച്ചിരുന്നു.
ഇൻഡോ അറബ് ഫ്രണ്ട്ഷിപ് സെന്റർ സെക്രട്ടറി, കേരള മാപ്പിള കാലാ സംഘം, റാഫി മെമ്മോറിയൽ ക്ലബ്ബ്, കൃപ ചാരിറ്റീസ്,തിരുവനന്തപുരം മുസ്ലിം അസോസിയേഷൻ കൾച്ചറൽ കമ്മിറ്റി ചെയർമാൻ, കാട്ടാക്കട പ്രസ് ക്ലബ് മുഖ്യ രക്ഷാധികാരി തുടങ്ങിയ നിലകളിൽ പ്രവർത്തിച്ചുവരുന്നു.
