കൊല്ലം: മാനസിക വെല്ലുവിളി നേരിടുന്ന യുവതിയെ പീഡിപ്പിച്ച സ്വകാര്യബസ് കണ്ടക്ടറെ പൊലീസ് പിടികൂടി. മടവൂര്‍ വിളയ്‌ക്കാട് സ്വദേശി സജീറിനെയാണ് (31) പിടികൂടിയത്.ഇയാള്‍ ജോലിചെയ്യുന്ന ബസിലാണ് ബഡ്‌സ് സ്‌കൂള്‍ വിദ്യാര്‍ഥിനിയായ 22കാരി യാത്ര ചെയ്യുന്നത്.കുട്ടിയോട് പ്രണയം നടിച്ച്‌ വര്‍ക്കല ബീച്ച്‌ കാട്ടിതരാം എന്ന് പ്രലോഭിപ്പിച്ചാണ് പ്രതി പീഡിപ്പിച്ചത്.
പെണ്‍കുട്ടിയെ ബൈക്കില്‍ വര്‍ക്കലയിലെ ആളൊഴിഞ്ഞ സ്ഥലത്ത് എത്തിച്ച്‌ പീഡിപ്പിച്ചതായാണ് പരാതി.ഇതിനിടെ കുട്ടിയെ കാണാനില്ല എന്ന് ചൂണ്ടിക്കാട്ടി കുടുംബം പൊലീസില്‍ പരാതി നല്‍കി. പിന്നീട് വീട്ടിലെത്തിയ പെണ്‍കുട്ടിയോട് കാര്യം അന്വേഷിച്ചപ്പോഴാണ് പീഡന വിവരം
വ്യക്തമായത്.ഇയാളെ കോടതിയില്‍ ഹാജരാക്കി റിമാന്‍ഡ് ചെയ്തു.
