കോഴിക്കോട്: തിരുവള്ളൂരില്‍ അമ്മയും രണ്ട് കുഞ്ഞുങ്ങളും കിണറ്റില്‍ വീണ് മരിച്ച നിലയില്‍.കുഞ്ഞുങ്ങളെ ശരീരത്തില്‍ കെട്ടിവച്ച ശേഷം കിണറ്റില്‍ ചാടുകയായിരുന്നു. കുന്നിയില്‍ മഠത്തില്‍ അഖില (32), മക്കളായ വൈഭവ്, കശ്യപ് (6) എന്നിവരാണ് മരിച്ചത്.
ഇളയകുട്ടിക്ക് ആറ് മാസമാണ് പ്രായം. പുറത്തു പോയ ഭര്‍ത്താവ് ഫോണ്‍ വിളിച്ചിട്ട് ഭാര്യ എടുക്കാത്തതിനെത്തുടര്‍ന്ന് തിരികെ വീട്ടിലെത്തിയപ്പോഴാണ് കിണറ്റില്‍ മൂന്ന് പേരെയും മരിച്ച നിലയില്‍ കണ്ടെത്തിയത്.
ഫയര്‍ഫോഴ്സെത്തി ആശുപത്രിയില്‍ എത്തിച്ചെങ്കിലും മൂവരെയും രക്ഷിക്കാനായില്ല. കുടുംബ പ്രശ്നങ്ങളായിരിക്കാം മരണകാരണമെന്നാണ് പ്രാഥമിക നിഗമനം. മൃതദേഹം വടകര ജില്ലാ ആശുപത്രിയില്‍.
