കടുത്തുരുത്തിയുടെ മണ്ണിൽ മഹിളാ ശക്തിവിളംബരം; അഴിമതി ഭരണത്തെ താഴെയിറക്കാൻ യുഡിഎഫ് വരണമെന്ന് അഡ്വ. മോൻസ് ജോസഫ് എംഎൽഎ

കടുത്തുരുത്തി: കേരളത്തിന്റെ വികസനത്തെ മുരടിപ്പിച്ചും അഴിമതിയിൽ മുങ്ങിക്കുളിച്ചും മുന്നോട്ടുപോകുന്ന ഇടത് സർക്കാരിനെ താഴെയിറക്കി യുഡിഎഫ് അധികാരത്തിൽ വരേണ്ടത് കാലഘട്ടത്തിന്റെ അനിവാര്യതയാണെന്ന് അഡ്വ. മോൻസ് ജോസഫ് . കടുത്തുരുത്തി നിയോജകമണ്ഡലം യുഡിഎഫ് മഹിളാ പര്യടന ജാഥ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.കേരളത്തിന് പുതിയൊരു വികസന മുന്നേറ്റം ആവശ്യമാണെന്നും ജനവിരുദ്ധ നയങ്ങൾ പിന്തുടരുന്ന എൽഡിഎഫ് ഭരണത്തിന് അറുതി വരുത്താൻ യുഡിഎഫിന് മാത്രമേ സാധിക്കൂ എന്നും അദ്ദേഹം ചൂണ്ടിക്കാട്ടി. അഴിമതിയും സ്വജനപക്ഷപാതവും മുഖമുദ്രയാക്കിയ സർക്കാരിനെ ഭരണത്തിൽ നിന്നും മാറ്റാൻ മഹിളാ പ്രവർത്തകർ ഓരോ വാർഡുകളിലും സജീവമായി രംഗത്തിറങ്ങണമെന്ന് അദ്ദേഹം ആഹ്വാനം ചെയ്തു. മഹിളാ കോൺഗ്രസ് കടുത്തുരുത്തി ബ്ലോക്ക് പ്രസിഡന്റ് ശ്രീലേഖ മണിലാൽ അധ്യക്ഷത വഹിച്ച യോഗത്തിൽ വനിതാ കോൺഗ്രസ് നിയോജകമണ്ഡലം പ്രസിഡന്റ് ജാൻസി തോമസ് സ്വാഗതം ആശംസിച്ചു.കടുത്തുരുത്തിയിൽ നിന്നും ആരംഭിച്ച് പെരുവ, ഞീഴൂർ, കുറവിലങ്ങാട്, വെളിയന്നൂർ, ഉഴവൂർ, മരങ്ങാട്ടുപിള്ളി, കടപ്ലാമറ്റം, കിടങ്ങൂർ, കാണക്കാരി, മാഞ്ഞൂർ എന്നീ വിവിധ സ്വീകരണ കേന്ദ്രങ്ങളിലൂടെ കടന്നുപോയ പര്യടനം വൈകിട്ട് കടുത്തുരുത്തിയിൽ ആവേശകരമായ സമാപന സമ്മേളനത്തോടെ പൂർത്തിയായി. ഓരോ കേന്ദ്രങ്ങളിലും നൂറുകണക്കിന് വനിതാ പ്രവർത്തകരാണ് വാദ്യമേളങ്ങളുടെ അകമ്പടിയോടെ യുഡിഎഫ് വിജയത്തിനായി അണിനിരന്നത്.ബ്ലോക്ക് പഞ്ചായത്ത് പ്രസിഡൻ്റുമാരായ തങ്കമ്മ വർഗീസ്,ബിന്ദു സുരേന്ദ്രൻ ജില്ലാ പഞ്ചായത്ത് മെമ്പർമാരായ ജോസ്മോൻ മുണ്ടക്കൽ യുഡിഎഫ്, ആൻ മരിയ ജോർജ് യുഡിഎഫ് നേതാക്കളായ സുനു ജോർജ്, ലൂക്കോസ് മാക്കീൽ, മാഞ്ഞൂർ മോഹൻകുമാർ, ജെയിംസ് പുല്ലാപ്പള്ളി, യുഡിഎഫ് മഹിളാ നേതാക്കളായ പ്രൊഫ. മേഴ്സി ജോൺ മൂലക്കാട്ട്, സജിമോൾ ജോസഫ്, ശോഭ ജയിംസ്, മേഴ്സി തോമസ്, ലിസി റോയ്, ലൈസമ്മ തോമസ്, ദീപ ഇന്ദുചൂഡൻ, മിനി ബാബു, റജി, ആൻ മരിയ ജോർജ്, ഗംഗാദേവി, വത്സല രാജു, ഗ്രേസിക്കുട്ടി അബ്രഹാം, ബിനു ജോസ്, മിനി ടോമി, ലൈസമ്മ മാത്യു, ധന്യ വേണുഗോപാൽ, അൽഫോൻസാ തോമസ്, അന്നമ്മ രാജു, നിഷ കുര്യൻ, സാലമ്മ തോമസ്, ലിസമ്മ കുമ്മംകോട്ട് തുടങ്ങിയ നിരവധി നേതാക്കളും വിവിധ തദ്ദേശ സ്വയംഭരണ സ്ഥാപനങ്ങളിലെ ജനപ്രതിനിധികളും പര്യടനത്തിന് നേതൃത്വം നൽകി. ഭരണമാറ്റത്തിനായി സ്ത്രീശക്തി ഒന്നിക്കുന്ന കാഴ്ചയാണ് മണ്ഡലത്തിലുടനീളം ദൃശ്യമായത്.