തിരുവനന്തപുരം : ദൂരദര്‍ശൻ ചാനലില്‍ കൃഷിദര്‍ശൻ ലൈവ് പരിപാടിയില്‍ പങ്കെടുക്കുന്നതിനിടെ അതിഥി കുഴഞ്ഞുവീണ് മരിച്ചു.കാര്‍ഷിക സര്‍വകലാശാല (പ്ലാനിങ്) ഡയറക്ടര്‍ ഡോ.അനി എസ്.ദാസ് ആണ് മരിച്ചത്. കൃഷിദര്‍ശൻ പരിപാടിയില്‍ അതിഥിയായി പങ്കെടുക്കവെ കുഴഞ്ഞുവീഴുകയായിരുന്നു. ഉടൻ ആശുപത്രിയില്‍ എത്തിച്ചെങ്കിലും മരിച്ചിരുന്നു.
കൊല്ലം കടയ്ക്കല്‍ സ്വദേശിയാണ്. കേരള ഫീഡ്സ് ലിമിറ്റഡ് എംഡി, കേരള കാര്‍ഷിക സര്‍വകലാശാല കമ്മ്യൂണിക്കേഷൻസ് സെന്റര്‍ മേധാവി തുടങ്ങിയ നിലയില്‍ പ്രവര്‍ത്തിച്ചിരുന്നു.
മൃതദേഹം മെഡിക്കല്‍ കോളജ് ആശുപത്രി മോര്‍ച്ചറിയില്‍.
