കൂത്തുപറമ്പ്: യുവതിയെ തട്ടിക്കൊണ്ടു പോയി ലോഡ്‌ജിൽ ബലമായി താമസിപ്പിച്ച് ഒരു കിലോയോളം സ്വർണം തട്ടിയവർ പിടിയിൽ പിടിയിലായവർ ക്വട്ടേഷൻ സംഘത്തിൽപ്പെട്ടവരാണ്. സംഭവത്തിൽ കണ്ടേരിയിലെ മർവാൻ, അമീർ ഉൾപ്പെടെയുള്ളവർക്കെതിരെയാണ് കൂത്തുപറമ്പ് പോലീസ് കേസെടുത്തത്. കഴിഞ്ഞദിവസം ഗൾഫിൽനിന്ന് നെടുമ്പാശേരിയിൽ വിമാനമിറങ്ങിയ കോഴിക്കോട് നരിക്കുനി സ്വദേശിനി ബുഷറയിൽനിന്നാണ് ക്വട്ടേഷൻ സംഘം സ്വർണം തട്ടിയെടുത്തത്.ഇവരുടെ മകൻ മുഹമ്മദ് മുബാറക്കിനെ തട്ടിക്കൊണ്ടുപോയ സംഘം വധിക്കുമെന്ന് ഭീഷണിപ്പെടുത്തിയായിരുന്നു ബുഷറയിൽനിന്ന് സ്വർണം കൈക്കലാക്കിയത്. പിന്നീട് ഉമ്മയെയും മകനെയും കൂത്തുപറമ്പ് നീറോളി ചാലിലെ ലോഡ്‌ജിലെത്തിച്ച് ബലമായി താമസിപ്പിക്കുകയായിരുന്നു.യുവതി കൂത്തുപറമ്പിലെ ലോഡ്‌ജിലുണ്ടെന്ന് മനസ്സിലാക്കിയ കൊടുവള്ളി കേന്ദ്രീകരിച്ചുള്ള സ്വർണക്കടത്ത് സംഘം ബുധനാഴ്‌ച പുലർച്ച മൂന്നോടെ നീറോളിച്ചാലിലെ വിസ്ത‌ാര ലോഡ്‌ജിന്റെ വാതിൽ ചവിട്ടിത്തുറന്ന് അകത്തു കടന്ന് ഉമ്മയെയും മകനെയും ആക്രമിക്കുകയും ബാഗുൾപ്പെടെ കൈക്കലാക്കി. സ്വർണക്കടത്ത് സംഘങ്ങൾ തമ്മിലുള്ള കുടിപ്പകയാണ് അക്രമത്തിനും ആർഷത്തിനും കാരണമായത്. സംഭവങ്ങളിലും പോലീസ് അന്വേഷണം ഊർജിതമാക്കി.
യുവതിയെ തട്ടിക്കൊണ്ടു പോയി ലോഡ്‌ജിൽ ബലമായി താമസിപ്പിച്ച് ഒരു കിലോയോളം സ്വർണം തട്ടിയവർ പിടിയിൽ
