കഴിഞ്ഞ നാല് വര്‍ഷത്തില്‍ ഏറെയായി മലയാള സിനിമാ ലോകം ഒന്നടങ്കം കാത്തിരിക്കുന്നൊരു സിനിമയാണ് ആടുജീവിതം.നജീബായുള്ള പൃഥ്വിരാജിന്റെ പരകായ പ്രവേശം കാണാനുള്ള ആകാംക്ഷയും പ്രേക്ഷകര്‍ക്ക് ഏറെയാണ്. ആടുജീവിതത്തിന്റെ റിലീസ് തീയതി എത്തുന്നു എന്നതാണ് അപ്‌ഡേറ്റ്. നവംബര്‍ 30 നാലിന് റിലീസ് തീയതി പുറത്തുവരും.
റിലീസ് വിവരം പങ്കുവച്ച് ഒരു ചെറു വീഡിയോയും അണിയറ പ്രവര്‍ത്തകര്‍ പുറത്തിറക്കിയിരിക്കുകയാണ്. 2018 മാര്‍ച്ചില്‍ കേരളത്തിലാണ് ആടുജീവിതം തുടങ്ങുന്നത്. 2019ല്‍ സംഘം ജോര്‍ദാനില്‍ എത്തി. 2020 മാര്‍ച്ച് വരെ അവിടെത്തന്നെയായിരുന്നു. അന്ന് കോവിഡ് മഹാമാരി കാരണം സിനിമാ ടീം ജോര്‍ദാനില്‍ കുടുങ്ങിയ വാര്‍ത്ത പുറത്തുവന്നിരുന്നു. 2022 ഏപ്രിലില്‍ അല്‍ജീരിയയിലും 2022 മേയില്‍ വീണ്ടും ജോര്‍ദ്ദാനില്‍ തന്നെ ഷൂട്ടിംഗ് നടന്നു.പിന്നീട് 2022 ജൂലൈയില്‍ ആടുജീവിതത്തിന് പാക്കപ്പ് പറയുകയായിരുന്നു. ബ്ലെസി സംവിധാനം ചെയ്യുന്ന ആടുജീവിതം പാന്‍- ഇന്ത്യന്‍ റിലീസായാണ് ഒരുങ്ങുന്നത്.
ആടുജീവിതം; നവംബര്‍ 30ന് റിലീസ് തീയതി പുറത്തുവിടും
