തിരുവനന്തപുരം: കണ്ടല സഹകരണ ബാങ്ക് തട്ടിപ്പ് കേസിലെ പ്രതികളായ മുന്‍ പ്രസിഡന്റ് എന്‍ ഭാസുരാംഗനെയും മകന്‍ അഖില്‍ജിത്തിനെയും എന്‍ഫോഴ്‌സ്‌മെന്റ് ഡയറക്ട്രേറ്റ് ഇന്ന് ചോദ്യം ചെയ്യും. കോടതിയില്‍ ഹാജരാക്കിയ ഇരുവരെയും ഇ ഡി കഴിഞ്ഞ ദിവസം കസ്റ്റഡിയില്‍ വാങ്ങിയിരുന്നു. വെള്ളിയാഴ്ച ഉച്ചവരെയാണ് കസ്റ്റഡി കാലാവധി.
തട്ടിപ്പിന് മറ്റു കൂട്ടാളികള്‍ ഉണ്ടോ എന്നും പാര്‍ട്ടിയിലെ മറ്റു ഉന്നതരുടെ പങ്ക് തട്ടിപ്പില്‍ ഉണ്ടോ എന്നും ഇ ഡി അന്വേഷിച്ചുവരികയാണ്. കരുവന്നൂര്‍ മാതൃകയിലാണ് കണ്ടല സഹകരണ ബാങ്കിലും തട്ടിപ്പ് നടത്തിയത് എന്ന് ഇ ഡി അറിയിച്ചിരുന്നു. ക്രമരഹിതമായി വായ്പകള്‍ നല്‍കിയാണ് ഭാസുരാംഗന്‍ തട്ടിപ്പ് നടത്തിയത്. നിക്ഷേപങ്ങള്‍ വഴി തിരിച്ചുവിട്ട് ഭാസുരാംഗന്റെയും മകന്റെയും പേരില്‍ ആസ്തികള്‍ വാങ്ങിക്കൂട്ടിയെന്നുമാണ് ഇഡിയുടെ കണ്ടെത്തല്‍.
