ന്യൂഡൽഹി: കഴിഞ്ഞ മാസം മണിപ്പൂരിൽ വംശീയ സംഘർഷം പൊട്ടിപ്പുറപ്പെട്ടതിന് ശേഷം 98 പേർ കൊല്ലപ്പെടുകയും 300 ഓളം പേർക്ക് പരിക്കേൽക്കുകയും ചെയ്തിട്ടുണ്ടെന്ന് റിപ്പോർട്ട്. മെയ് 3 ന് പട്ടികവർഗ (എസ്ടി) പദവിക്ക് വേണ്ടിയുള്ള മെയ്‌തേയ് സമുദായത്തിന്റെ ആവശ്യത്തിൽ പ്രതിഷേധിച്ച് മണിപ്പൂരിലെ 10 ജില്ലകളിലും ആദിവാസി ഐക്യദാർഢ്യ മാർച്ച് നടത്തിയ ശേഷമാണ് സംഘർഷം പൊട്ടിപ്പുറപ്പെട്ടത്.അതിനുശേഷം സംസ്ഥാനത്തിന്റെ പല ഭാഗങ്ങളിലും മാരകമായ അക്രമങ്ങൾ അരങ്ങേറി.
മണിപ്പൂരിലെ ജനസംഖ്യയുടെ 53 ശതമാനത്തോളം വരുന്ന മെയ്റ്റീസ് ഇംഫാൽ താഴ്വരയിലാണ് കൂടുതലും താമസിക്കുന്നത്. ജനസംഖ്യയുടെ 40 ശതമാനവും ഗോത്രവർഗ്ഗക്കാരായ നാഗകളും കുക്കികളും മലയോര ജില്ലകളിൽ താമസിക്കുന്നു.നിലവിൽ പതിനായിരത്തിലധികം സൈനികരെയും അസം റൈഫിൾസ് ഉദ്യോഗസ്ഥരെയും സമാധാനം നിലനിർത്താൻ സംസ്ഥാനത്ത് വിന്യസിച്ചിട്ടുണ്ട്.
