ഹൈദരാബാദ്: 17കാരി കോളേജ് കെട്ടിടത്തില് നിന്ന് ചാടി ആത്മഹത്യ ചെയ്ത സംഭവത്തിൽ കൂടുതൽ വെളിപ്പെടുത്തൽ. സുഹൃത്തുക്കളില് നിന്ന് ലൈംഗികാതിക്രമം നേരിട്ടതിനെ തുടർന്നാണ് ആന്ധ്രാപ്രദേശിലെ അനകപളളി സ്വദേശിയും പോളിടെക്നിക് വിദ്യാർത്ഥിനിയുമായ പെൺകുട്ടി കോളേജ് കെട്ടിടത്തിന്റെ മുകളില് നിന്ന് ചാടി ആത്മഹത്യ ചെയ്തത്. വെളളിയാഴ്ച പുലർച്ചയോടെയായിരുന്നു സംഭവം.
ആത്മഹത്യ ചെയ്യുന്നതിന് തൊട്ടുമുൻപ് പെണ്കുട്ടി സഹോദരിക്ക് മരണകാരണം അറിയിച്ചുകൊണ്ടുളള മെസേജ് അയച്ചതായി പൊലീസ് അറിയിച്ചു. താൻ കോളേജിലുളള ചില സഹപാഠികളില് നിന്ന് ലൈംഗികാതിക്രമം നിരന്തരമായി നേരിട്ടെന്നും സംഭവത്തില് പരാതി നല്കാൻ പോലും കഴിയാത്ത അവസ്ഥയാണെന്നും പരാതിപ്പെട്ടാല് തന്റെ നഗ്നചിത്രങ്ങള് സോഷ്യല്മീഡിയയില് പോസ്റ്റ് ചെയ്യുമെന്ന് സഹപാഠികള് ഭീഷണിപ്പെടുത്തിയതായും പെണ്കുട്ടി മെസേജിലൂടെ വെളിപ്പെടുത്തി.