തളിപ്പറമ്പ് : പിന്നാക്ക സമുദായത്തില്‍പ്പെട്ട 17 കാരിയായ പെണ്‍കുട്ടിയെ പ്രണയം നടിച്ച് പീഡിപ്പിക്കുകയും മൊബൈല്‍ ഫോണ്‍ തട്ടിയെടുക്കുകയും ചെയ്തെന്ന പരാതിയില്‍ യുവാവിനെ പോക്സോ കേസ് ചുമത്തി അറസ്റ്റ് ചെയ്തു.കാഞ്ഞിരങ്ങാട് കുമ്മായചൂളക്ക് സമീപം ഇറ്റിക്കല്‍ അഗ്നല്‍ മാത്യുവിനെയാണ് (22) തളിപ്പറമ്ബ് ഡിവൈഎസ്പി പി.പ്രമോദ് എറണാകുളത്ത് വച്ച്‌ അറസ്റ്റ് ചെയ്തത്.
തളിപ്പറമ്ബ് പൊലിസ് പരിധിയിലെ പെണ്‍കുട്ടിയെ ആഗ്നല്‍ മാത്യു പല സ്ഥങ്ങളിലായി കൊണ്ടുപോയി പീഡിപ്പിക്കുകയും യുവതിയുടെ ചിത്രങ്ങള്‍ മൊബൈലില്‍ പകർത്തുകയും ചെയ്തിരുന്നു. തുടർന്ന് പഠനാവശ്യത്തിന് എറണാകുളത്തേക്ക് പോയ യുവാവിനെ പെണ്‍കുട്ടിയുടെ പരാതിയെ തുടർന്ന് എസ്.ഐ ഷിബു പോള്‍, സി.പി.ഒ അരുണ്‍, ഡ്രൈവർ വിനീഷ് എന്നിവരടങ്ങിയ സംഘം ഏറണാകുളത്ത് എത്തിയാണ് കസ്റ്റഡിയിലെടുത്തത്.
അന്വേഷണ ഉദ്യോഗസ്ഥൻ തളിപ്പറമ്ബ് ഡിവൈ.എസ്.പി പി. പ്രമോദിൻ്റെ നേതൃത്വത്തില്‍ ചോദ്യം ചെയ്ത ശേഷം കോടതിയില്‍ ഹാജരാക്കി റിമാൻഡ് ചെയ്തു.
