Tag: #palakkad

മണ്ണാർക്കാട് : തെരുവുനായയുടെ ആക്രമണത്തിൽ നാലുവയസ്സുകാരന് പരിക്കേറ്റു. നാട്ടുകൽ ആശുപത്രിപ്പടിയിലുള്ള കുട്ടിക്കാണ് തെരുവ് നായയുടെ കടിയേറ്റത്. സാരമായി പരിക്കേറ്റ കുട്ടിയെ പെരിന്തൽമണ്ണ സർക്കാർ ആശുപത്രിയിലും തുടർന്ന്, മഞ്ചേരി മെഡിക്കൽ കോളേജിലും പ്രവേശിപ്പിച്ചിട്ടുണ്ട്. പഞ്ചായത്തിന്റെ വിവിധപ്രദേശങ്ങളിൽ തെരുവുനായശല്യം രൂക്ഷമാണ്.

പാലക്കാട് : പാലക്കാട് വാണിയംകുളം പുലാചിത്രയിൽ ടി ആർ കെ ഹൈസ്കൂൾ ചുറ്റുമതിലിനുള്ളിൽ നിന്നും അണലിയെയും 26 അണലി കുഞ്ഞുങ്ങളെയും പിടികൂടി. വനം വകുപ്പ് ഉദ്യോഗസ്ഥരുടെ നേതൃത്വത്തിലാണ് ഒരു പാമ്പിനെയും 26 അണലി കുഞ്ഞുങ്ങളെയും പിടികൂടാനായത്. സ്കൂളിന്റെ പിൻഭാഗത്തെ മതിൽ പൊളിച്ചാണ് പാമ്പിനെയും കുഞ്ഞുങ്ങളെയും പുറത്തെടുത്തത്. ഇന്നലെ വൈകിട്ട് അഞ്ചു മണിയോടു കൂടിയാണ് സംഭവം പ്രദേശവാസികളുടെ ശ്രദ്ധയിൽപ്പെടുന്നത്. ഇതോടെ ഇവർ അധികൃതരെ വിവരം അറിയിക്കുകയായിരുന്നു.മതിലിനകത്ത് കൂടുതൽ പാമ്പുകളുണ്ടോ എന്ന് സംശയിച്ചതിനാൽ മതിൽ പൊളിച്ച് പരിശോധന നടത്തി.

പാലക്കാട്: പോത്തുണ്ടി ഇരട്ട കൊലപാതകത്തില്‍ കുറ്റപത്രം ഇന്ന് സമര്‍പ്പിച്ചേക്കും. മുതിര്‍ന്ന പൊലീസ് ഉദ്യോഗസ്ഥര്‍ കുറ്റപത്രം പരിശോധിച്ച് അന്തിമമാക്കി. ആലത്തൂര്‍ കോടതിയിലാണ് 500ലധികം പേജുള്ള കുറ്റപത്രം അന്വേഷണസംഘം സമര്‍പ്പിക്കുക. 30ലധികം രേഖകളും ഫോറന്‍സിക് പരിശോധനാ ഫലങ്ങളും ഉള്‍പ്പെടെയുള്ള ശാസ്ത്രീയ തെളിവുകളും കുറ്റപത്രത്തില്‍ ഉള്‍പ്പെട്ടിട്ടുണ്ട്. ബോയന്‍ നഗര്‍ സ്വദേശിയായ ചെന്താമര ഏക പ്രതിയായ കേസില്‍ പൊലീസുകാര്‍ ഉള്‍പ്പെടെ 130ലധികം സാക്ഷികളാണുള്ളത്. ഇക്കഴിഞ്ഞ ജനുവരി 27നാണ് പോത്തുണ്ടി ബോയില്‍ നഗര്‍ സ്വദേശികളായ സുധാകരനെയും അമ്മ ലക്ഷ്മിയെയും ചെന്താമര വെട്ടി കൊലപ്പെടുത്തിയത്. സ്‌കൂട്ടറില്‍ […]

മണ്ണാർക്കാട്: നിരോധിത രാസലഹരിക്കെതിരെയുള്ള പോരാട്ടത്തിൽ മൂവ് ജനകീയ കൂട്ടായ്മ തൊഴിലാളി സംഘടനാ പ്രതിനിധികളുമായി ചർച്ച സംഘടിപ്പിച്ചു. രാസലഹരിക്കെതിരെയുള്ള വിജിലൻസ് കമ്മറ്റികൾ രൂപീകരിക്കേണ്ട ആവശ്യകതയും സഹകരണവും യോഗം ചർച്ച ചെയ്തു. ചുമട്ട് തൊഴിലാളികൾ, ഡ്രൈവേഴ്സ് യൂണിയൻ പ്രതിനിധികൾ തുടങ്ങിയവർ ചർച്ചയിൽ പങ്കെടുത്തു. മൂവ് വിജിലൻസ് കമ്മറ്റിയിൽ ഓരോ പോയൻ്റിലും തൊഴിലാളി പ്രതിനിധികളുടെ മികച്ച പങ്കാളിത്തം ട്രേഡ് യൂണിയൻ നേതാക്കൾ ഉറപ്പ് നൽകി. ലഹരി മാഫിയക്കെതിരെ മനുഷ്യ ചങ്ങല, മനുഷ്യ മതിൽ, ബോധവൽക്കരണ പരിപാടികൾ തുടങ്ങിയ നിർദ്ദേശങ്ങൾ ചർച്ചചെയ്തു. മൂവ് […]