ഛത്തീസ്ഗഡിൽ കളിയാക്കിയ നാലു വയസ്സുകാരനെയും രണ്ടു വയസ്സുള്ള സഹോദരിയെയും ബന്ധുവായ 13 കാരി കിണറ്റിൽ എറിഞ്ഞു കൊന്നു

ഛത്തീസ്ഗഡില് കള്ളി എന്നുവിളിച്ച് കളിയാക്കിയ നാലു വയസ്സുകാരനെയും രണ്ടു വയസ്സുള്ള സഹോദരിയെയും ബന്ധുവായ 13 കാരി കിണറ്റിൽ എറിഞ്ഞു കൊന്നു. ഗജാനന്ദ് വർമ്മയുടെ മക്കളായ കരൺ വർമ്മ, വൈശാലി എന്നിവരാണ് കൊല്ലപ്പെട്ടത്. കുട്ടികളെ കാണാതായതിനെ തുടർന്ന് ഗജാനന്ദ് വർമ്മയും ഭാര്യയും ബന്ധുക്കളുടെയും പ്രദേശവാസികളുടെയും സഹായത്തോടെ നടത്തിയ തിരച്ചിലിടെ കിണറ്റിൽ പൊങ്ങിക്കിടക്കുന്ന നിലയിൽ വൈശാലിയുടെ മൃതദേഹമാണ് ആദ്യം കണ്ടെത്തിയത്. രണ്ടാമത്തെ കുട്ടിയുടെ മൃതദേഹവും കിണറ്റിൽ ഉണ്ടാകാം എന്ന് സംശയത്തിൽ നാട്ടുകാർ കിണർ വറ്റിച്ചപ്പോളാണ് കരണിൻ്റെ മൃതദേഹം കണ്ടെത്തിയത്. ഗജാനന്ദ് വർമ്മ നൽകിയ പരാതിയുടെ അടിസ്ഥാനത്തിൽ പോലീസിന്റെ ചോദ്യം ചെയ്യലിൽ പെൺകുട്ടി കുറ്റം സമ്മതം നടത്തി. കരൺ പലവട്ടം തന്നെ കള്ളി എന്നു വിളിച്ചെന്നും ആ ദേഷ്യത്തിലാണ് കിണറ്റിൽ എറിഞ്ഞത് എന്നും പെൺകുട്ടി പറഞ്ഞതായി പോലീസ് അറിയിച്ചു. ഗ്രാമത്തിലെ പച്ചക്കറി തോട്ടത്തിലെ കിണറ്റിലേക്ക് ഇരുവരെയും തള്ളിയിടുകയായിരുന്നു. പെൺകുട്ടിയെ ജുവനൈൽ ഹോമിലോട്ട് മാറ്റി.