കുവൈത്തിൽ വൻ മയക്കുമരുന്ന് വേട്ട

കുവൈത്ത് സിറ്റി: കുവൈത്തിൽ വൻ മയക്കുമരുന്ന് വേട്ട. മയക്കുമരുന്ന് നിർമ്മിക്കുകയും വിതരണം ചെയ്യുകയും ചെയ്തിരുന്ന മുൻ കുറ്റവാളിയാണ് കുവൈത്തിൽ പിടിയിലായിരിക്കുന്നത്. ഫസ്റ്റ് ഡെപ്യൂട്ടി പ്രധാനമന്ത്രിയും ആഭ്യന്തര മന്ത്രിയുമായ ഷെയ്ഖ് ഫഹദ് യൂസഫ് സൗദ് അൽ-സബാഹിന്റെ നേരിട്ടുള്ള മേൽനോട്ടത്തിലാണ് പോലീസ് ഇയാളെ പിടികൂടിയത്. നേരത്തെ പൗരത്വം റദ്ദാക്കപ്പെട്ട വ്യക്തിയാണ് അറസ്റ്റിലായത്.സാദ് അൽ-അബ്ദുള്ളയിലെ ഇയാളുടെ വീട്ടിൽ നടത്തിയ റെയ്ഡിൽ, 6 കിലോഗ്രാം തയ്യാറാക്കിയ ഷാബുവും 30 ലിറ്റർ രാസവസ്തുക്കളും നിർമ്മാണ ഉപകരണങ്ങളും കണ്ടെടുത്തു. ഇതിനെല്ലാം കൂടി ഏകദേശം 500,000 കുവൈത്തി ദിനാർ (ഏകദേശം 1.34 കോടി ഇന്ത്യൻ രൂപ) വിലമതിപ്പുണ്ട്. മയക്കുമരുന്ന് നിർമ്മാണത്തിന് പുറമെ, ഇയാളുടെ പക്കൽ നിന്ന് തോക്കുകളും വെടിയുണ്ടകളും പിടിച്ചെടുത്തിട്ടുണ്ട്.