തിരുവനന്തപുരം : ദേശീയ മലയാള വേദിയുടെ ആഭിമുഖ്യത്തിൽ പൂജപ്പുര ഗവ. ചിൽഡ്രൻസ് ഹോമിൽ സംഘടിപ്പിച്ച നബിദിന മതസൗഹാർദ്ദ കുടുംബ സംഗമം മുൻ കെ.പി.സി.സി പ്രസിഡണ്ടും, മുൻ എം.പിയുമായ കെ. മുരളീധരൻ ഉദ്ഘാടനം ചെയ്തു. പോലീസ് അസിസ്റ്റന്റ് കമ്മീഷണർ എൻ. ഷിബു മുഖ്യാതിഥിയായിരുന്നു. സി.ഡബ്ലിയു.സി ചെയർപേഴ്സൺ അഡ്വ. ഷാനിബാബീഗം മുഖ്യപ്രഭാഷണം നടത്തി. ദേശീയ മലയാള വേദി വർക്കിംഗ് പ്രസിഡന്റ് അഡ്വ. ഫസീഹ റഹീം അധ്യക്ഷത വഹിച്ചു. ലൂഥർ സഭ മേജർ ആർച്ച് ബിഷപ്പ് റോബിൻസൺ ഡേവിഡ് മതസൗഹാർദ്ദ സന്ദേശം നൽകി. സംസ്ഥാന പ്രസിഡന്റ് മുജീബ് റഹ്മാൻ സ്വാഗതവും, സംസ്ഥാന ചെയർമാൻ പനച്ചമൂട് ഷാജഹാൻ കൃതജ്ഞതയും പറഞ്ഞു. അപകടത്തെ തുടർന്ന് ചികിത്സയിലിരുന്ന ശേഷം മടങ്ങിയെത്തിയ പ്രമുഖ വിദ്യാഭ്യാസ-ജീവകാരുണ്യ പ്രവർത്തക യാസ്മിൻ സുലൈമാനെ ചടങ്ങിൽ ആദരിച്ചു.നടൻ ശിവ മുരളി, എം. എച്ച്. സുലൈമാൻ, ഡോ. അരുൺ കുമാർ, ബി. പ്രഭാകരൻ, എസ്. ഗിരിജാ ദേവി, അട്ടക്കുളങ്ങര സുലൈമാൻ, ആറ്റിങ്ങൽ സുരേഷ് തുടങ്ങിയവർ സംസാരിച്ചു. വിവിധ മേഖലയിൽ മികവ് പുലർത്തിയ വ്യക്തികളെ ചടങ്ങിൽ ആദരിച്ചു.ചിൽഡ്രൻസ് ഹോമിലെ കുട്ടികൾക്കും അംഗങ്ങൾക്കുമായി വിവിധ കലാകായിക മത്സരങ്ങൾ നടത്തി വിജയികൾക്ക് സമ്മാനങ്ങളും നൽകി. ദേശീയ മലയാള വേദിയുടെ ഗായകർ ഒരുക്കിയ ഗാനവിരു ന്നും, നൃത്തവും ഉണ്ടായിരുന്നു. അന്തേവാസികളോടൊപ്പം ആഹാരം കഴിച്ചു കൊണ്ടായിരുന്നു ആഘോഷം. വൈകുന്നേരം പനച്ചമൂട് ഷാജഹാന്റെ അദ്ധ്യക്ഷതയിൽ നടന്ന സമാപനസമ്മേളനം സൂപ്രണ്ട് ബിനു ജോൺ ഉത്ഘാടനം ചെയ്തു. അഡ്വ. ഫസീഹ റഹീം, മുജീബ് റഹ്മാൻ, അഡ്വ. ജയകുമാരൻ, വിഴിഞ്ഞം ലത്തീഫ് എന്നിവർ പ്രസംഗിച്ചു. സമ്മാനവിതരണവും നടന്നു.
Related Posts
സ്കൂട്ടറിൽ സൂക്ഷിച്ച പടക്കങ്ങൾ പൊട്ടിത്തെറിച്ച് യുവാവിന് ദാരുണാന്ത്യം
കോഴിക്കോട്: പനങ്ങാട് യുഡിഎഫ് നടത്തിയ ആഹ്ലാദ പ്രകടനത്തിൽ അപകടം. സ്കൂട്ടറിന് തീപിടിച്ച് ഒരാൾ മരിച്ചു. പനങ്ങാട് പഞ്ചായത്ത് രണ്ടാം വാർഡിൽനിന്നും വിജയിച്ച യുഡിഎഫ് സ്ഥാനാർത്ഥി ദേവാനന്ദിന്റെ വിജയാഹ്ലാദ…
സർക്കാർ ലക്ഷ്യമിടുന്നത് സമഗ്ര പുരോഗതി -മന്ത്രി വി.എൻ. വാസവൻ
കോട്ടയം: കേരളത്തിൻ്റെ സമഗ്ര പുരോഗതി ലക്ഷ്യമിട്ടുള്ള പ്രവർത്തനങ്ങളാണ് സംസ്ഥാന സർക്കാർ ആവിഷ്കരിച്ചു നടപ്പാക്കുന്നതെന്ന് സഹകരണം -തുറമുഖം- ദേവസം വകുപ്പുമന്ത്രി വി. എൻ. വാസവൻ പറഞ്ഞു. അയ്മനം ഗ്രാമപഞ്ചായത്തിലെ…
കണ്ണൂർ പയ്യന്നൂരിൽ ബിഎൽഒ ജീവനൊടുക്കി
കണ്ണൂര്: പയ്യന്നൂര് ഏറ്റുകുടുക്കയില് ബിഎല്ഒ ആത്മഹത്യ ചെയ്തു. പയ്യന്നൂര് മണ്ഡലം 18ാം ബൂത്ത് ബിഎല്ഒ അനീഷ് ജോര്ജാണ് മരിച്ചത്. ഇന്ന് രാവിലെയായിരുന്നു സംഭവം. ജോലി സമ്മര്ദമുണ്ടായിരുന്നുവെന്ന് അനീഷ്…