കൊല്ലത്ത് ഭർത്താവ് ഭാര്യയെ മക്കളുടെ മുന്നിൽ വച്ച് വെട്ടിക്കൊന്നു

കൊല്ലം : പുനലൂരിൽ ഭർത്താവ് ഭാര്യയെ മക്കളുടെ മുന്നിൽവച്ച് വെട്ടിക്കൊന്നു. വാളക്കോട് വില്ലേജ് കലയനാട് ചരുവിള വീട്ടിൽ ശാലിനിയെയാണ് (39)ഭർത്താവ് ഐസക്ക് കുത്തിയും വെട്ടിയും കൊലപ്പെടുത്തിയത്. പുനലൂരിലെ സ്വകാര്യ അൺ എയ്ഡഡ്സ്കൂളിലെ അനധ്യാപികയാണ് ശാലിനി .സംഭവത്തിനുശേഷം സാമൂഹ്യ മാധ്യമ ഫേസ്ബുക്കിൽ ഐസ്ക്ക് കൊലപാതകത്തിൻ്റെ വിവരങ്ങൾ വിശദീകരിച്ചു. പിന്നാലെ പോലീസിൽ കീഴടങ്ങി. മൃതദേഹം പുനലൂർ താലൂക്ക് ആശുപത്രി മോർച്ചറിയിൽ.ഇന്ന് രാവിലെ ആറുമണിയോടെയാണ് സംഭവം. ഭാര്യയെ കൊലപ്പെടുത്തുമ്പോൾ ഇവരുടെ 19 ഉം 11 ഉം വയസ്സുള്ള രണ്ട് ആൺകുട്ടികളും വീട്ടിലുണ്ടായിരുന്നു. സംശയത്തെ തുടർന്നാണ് കൊലപാതകം നടത്തിയെന്നാണ് വിവരം