:ഓണം വാരാഘോഷത്തിൻ്റെ ഭാഗമായി സംസ്ഥാന ടൂറിസം വകുപ്പും, ജില്ലാ ടൂറിസം പ്രമോഷൻ കൗൺസിലും, വെള്ളാർ വാർഡ് ജനകീയ സമിതിയുടെയും സംയുക്താഭിമുഖ്യത്തിൽ കരമനയാറും, കോവളം ടി.എസ് കനാലും അറബിക്കടലിൽ സംഗമിക്കുന്നപ്രകൃതിരമണീയമായ പാച്ചല്ലൂർ പൊഴിയിൽ ജലഘോഷയാത്രയും, ഓണാഘോഷ പരിപാടികളും സംഘടിപ്പിച്ചിരിക്കുന്നു. നിരവധിയായ നാടൻ വള്ളങ്ങളിൽ വാദ്യമേളങ്ങളും, തെയ്യം, ഓട്ടൻതുള്ളൽ, കഥകളി, തിരുവാതിരകളി തുടങ്ങി കലാരൂപങ്ങളും പ്രദർശനവും വർണ്ണ ശബളമായ ജല ഘോഷയാത്രയിൽഅണിനിരക്കുന്നു. സെപ്റ്റംബർ 6 വൈകുന്നേരം 4 മണിക്ക് പൊതുവിദ്യാഭ്യാസ മന്ത്രി വി. ശിവൻകുട്ടി ഉദ്ഘാടനം ചെയ്യുന്ന ജലഘോഷയാത്രയിൽ നഗരസഭ മേയർ ആര്യാ രാജേന്ദ്രൻ, ഡെപ്യൂട്ടി മേയർ പി. കെ. രാജു, നഗരസഭ കൗൺസിലർമാർ,ജനപ്രതിനിധികൾ തുടങ്ങി വിവിധ സാമൂഹിക-സാമുദായിക – സാംസ്കാരിക രംഗത്തെ പ്രമുഖരും പങ്കെടുക്കുമെന്ന് സംഘാടകസമിതി ചെയർമാൻ പനത്തുറ പി ബൈജു, ജനറൽകൺവീനർ എസ്.ഉദയരാജ് കോ-ഓഡിനേറ്റർ ഡി.ജയകുമാർ എന്നിവർ അറിയിച്ചു.
Related Posts
അജ്ഞാതവാഹനം ഇടിച്ച് കേഴയാട് ചത്തു
പീരുമേട്: തട്ടാത്തിക്കാനം പൈൻ കാട്ടിന് സമീപം കേഴയാടിൻ്റെ ജഡം കണ്ടെത്തി.അജ്ഞാത വാഹനം ഇടിച്ചാണ് അപകടം എന്ന് പ്രാഥമിക നിഗമനം. ഞായറാഴ്ച രാവിലെ ആറരയോടെ പ്രഭാത സവാരിക്കിറങ്ങിയവരാണ് റോഡ്…
ചെന്നൈക്ക് പറന്ന ഇൻഡിഗോ വിമാനത്തിന്റെ വിൻഡ്ഷീൽഡിൽ വിള്ളൽ കണ്ടെത്തി
ചെന്നൈ: മധുരയിൽ നിന്ന് 76 യാത്രക്കാരുമായി ചെന്നൈക്ക് പോയ ഇൻഡിഗോ വിമാനത്തിൽ ലാൻഡ് ചെയ്യുന്നതിന് തൊട്ടുമുൻപ് വിൻഡ് ഷീൽഡിൽ വിള്ളൽ കണ്ടെത്തി. പിന്നാലെ വിമാനം സുരക്ഷിതമായി ലാൻഡ്…
കടുത്തുരുത്തി: ഡിസിഎംഎസിന്റെ നേതൃത്വത്തില് നടത്തിയ വാഴ്ത്തപെട്ട തേവരുപ്പറമ്പില് കുഞ്ഞച്ചന് തീര്ത്ഥാടന വിളംബര ജാഥയ്ക്കു കടുത്തുരുത്തിയില് സ്വീകരണം നല്കി. ദളിത് ക്രൈസ്തവ സംവരണം ഉറപ്പാക്കാന് രാഷ്ട്രീയ കക്ഷികളും സര്ക്കാരും…