നിങ്ങൾക്ക് പോകേണ്ട കെഎസ്ആർടിസി ബസ് എവിടെയെത്തി എന്നറിയണമെന്നുണ്ടെങ്കിൽ ,അല്ലെങ്കിൽ ഏതെങ്കിലും ഒരു സ്റ്റോപ്പിൽ ബസ് എപ്പോൾ വരുമെന്നും അറിയണമെങ്കിൽ ഗൂഗിൾ പ്ലേസ്റ്റോറിൽനിന്നോ,ആപ്പിൾ ആപ്പ് സ്റ്റോറിൽ നിന്നോ, ലൈവ് ബസ് ട്രാക്കിംഗ് “ചലോ ലൈവ് ബസ് ട്രാക്കിംഗ് ആപ്പ്” എന്ന് തിരഞ്ഞ് അത് ഇൻസ്റ്റാൾ ചെയ്യണം.ശേഷം ഭാഷ തിരഞ്ഞെടുത്തു മൊബൈൽ നമ്പർ നൽകി ഓ ടി പി വെരിഫിക്കേഷൻ പൂർത്തിയാക്കണം . ബസ്സുകൾ എവിടെയാണെന്ന് മനസ്സിലാക്കാൻ ലൊക്കേഷൻ ആവശ്യമായതിനാൽ ആപ്പിൽ ലൊക്കേഷൻ ആക്സസ് ചെയ്യാനുള്ള അനുവാദം നൽകണം. ബസ് ട്രാക്ക് ചെയ്യാനായി ഹോം പേജിലെ ഫൈൻഡ് ആൻഡ് ട്രാക്ക് യുവർ ബസ് എന്ന ഓപ്ഷൻ ക്ലിക്ക് ചെയ്യണം. അടുത്തതായി ട്രാക്ക് ചെയ്യാൻ ഉദ്ദേശിക്കുന്ന സ്റ്റോപ്പ് തിരഞ്ഞെടുക്കാം. ഡിഫോൾട്ടായി വരുന്ന കറണ്ട് വരുന്ന കറന്റ് ലൊക്കേഷൻ വരും. അത് ആവശ്യമെങ്കിൽ മാറ്റം വരുത്തി യാത്ര പുറപ്പെടുന്ന സ്ഥലം രേഖപ്പെടുത്താം. തൊട്ടടുത്ത ലൈനിൽ എവിടേക്കാണ് യാത്ര പോകേണ്ടത് എന്നും നൽകാം. തീയതിയും സമയവും ആവശ്യമെങ്കിൽ മാറ്റി പ്രൊസീഡ് എന്ന ഓപ്ഷൻ അമർത്തുക. ഇതോടെ യാത്ര ചെയ്യാനുള്ള വിവിധ ബസ് സർവീസുകൾ വിവരങ്ങൾ ദൃശ്യമാകും. നേരിട്ടുള്ള ബസ്സുകൾ കൂടാതെ മറ്റു ബസ്സുകളും ഇതിൽ കാണിക്കുന്നതാണ്. എങ്ങനെ ഓരോ ബസ്റ്റോപ്പിലേക്കും എത്തിച്ചേരാം എന്ന വിവരവും ഉണ്ടാവും. മേൽപ്പറഞ്ഞ ലിസ്റ്റ് താഴോട്ടും വലതുവശത്തോട്ടും നീക്കി കൂടുതൽ വിവരങ്ങൾ മനസ്സിലാക്കാം. നമ്മൾ നിൽക്കുന്ന സ്റ്റോപ്പിൽ ബസ് എപ്പോൾ എത്തുമെന്നും ബസ്സിൽ സീറ്റുകൾ ഒഴിവുണ്ടോ തിരക്കുണ്ടോ എന്ന വിവരങ്ങളും നമുക്ക് ലിസ്റ്റിൽ നിന്നും മനസ്സിലാക്കാൻ കഴിയും . ലിസ്റ്റിലുള്ള സർവീസുകൾ ഓരോന്നിലും അമർത്തിയാൽ കൂടുതൽ വിവരങ്ങൾ ലഭിക്കും.
കെഎസ്ആർടിസി ബസ് ലൈവ് ട്രാക്ക് ചെയ്യാം വിവരങ്ങൾ അറിയാൻ മൊബൈലിലെ ഈ ആപ്പ് മതി
