തിരുവനന്തപുരം മണ്ണന്തലയിൽ കെഎസ്ആർടിസി ബസും ലോറിയും കൂട്ടിയിടിച്ച് അപകടം

. തിരുവനന്തപുരം. മണ്ണന്തല മരുതൂരിൽ കെഎസ്ആർടിസി ബസും ലോറിയും കൂട്ടിയിടിച്ച് ഉണ്ടായ അപകടത്തിൽ 12 പേർക്ക് പരിക്ക്. ബുധനാഴ്ച പുലർച്ചെയായിരുന്നു അപകടം നടന്നത് . തിരുവനന്തപുരത്തുനിന്ന് പുറപ്പെട്ട കെഎസ്ആർടിസി ബസ് എതിരെ വന്ന ലോറിയിൽ ഇടിക്കുകയായിരുന്നു. പരിക്കേറ്റവരെ തിരുവനന്തപുരം മെഡിക്കൽ കോളേജ് ആശുപത്രിയിലേക്ക് മാറ്റി. രണ്ട് ഡ്രൈവർമാരും വാഹനങ്ങൾക്കുള്ളിൽ അരമണിക്കൂറോളം കുടുങ്ങി കിടക്കുകയായിരുന്നു.ഫയർഫോഴ്സ് എത്തിയാണ് രണ്ടുപേരെയും പുറത്തെടുത്തത്. ലോറി ഡ്രൈവറുടെ പരിക്ക് ഒഴിച്ച് മറ്റാരുടെയും പരിക്ക് ഗുരുതരമല്ലെന്ന് പോലീസ് പറഞ്ഞു..