കോഴിക്കോട് നിയന്ത്രണം വിട്ട കാർ ഇടിച്ചു ഗുരുതരമായി പരിക്കേറ്റ ചികിത്സയിലായിരുന്ന മാധ്യമപ്രവർത്തകൻ മരിച്ചു

. കോഴിക്കോട് .നിയന്ത്രണം വിട്ട കാറിടിച്ച് ഗുരുതരമായി പരിക്കേറ്റ കോഴിക്കോട് സ്വകാര്യ ആശുപത്രി ചികിത്സയിലായിരുന്ന മാധ്യമപ്രവർത്തകൻ സിറാജ് സബ് എഡിറ്റർ ജാഫർ അബ്ദുൽ റഹീം (33)മരിച്ചു. കണ്ണൂർ മുണ്ടേരി മൊട്ട കോളിൽമൂല സ്വദേശിയാണ്. കോഴിക്കോട് ,വയനാട് ദേശീയപാതയിൽ വെള്ളിയാഴ്ച അർദ്ധരാത്രി ആയിരുന്ന് അപകടം. ഓഫീസിൽ നിന്നും ജോലികഴിഞ്ഞ് ഇറങ്ങി ഫുട്പാത്തിലൂടെ നടക്കുന്നതിനിടെ എരഞ്ഞിപ്പാലം ഭാഗത്തുനിന്നും അമിതവേഗത്തിൽ എത്തിയ കാർ നിയന്ത്രണം വിട്ടു ജാഫറിനെയും കൂടെയുണ്ടായിരുന്ന സിറാജ് പത്രത്തിൻറെ ജീവനക്കാരൻ അസീസിനെയും ഇടിച്ചുതെറിപ്പിക്കുകയായിരുന്നു .അസീസ് അത്ഭുതകരമായി രക്ഷപ്പെട്ടു. ഗുരുതരമായി പരിക്കേറ്റ ജാഫറിനെ ഉടൻ കോഴിക്കോട് മെഡിക്കൽ കോളേജിലും പിന്നീട് ഞായറാഴ്ച പുലർച്ച് കോഴിക്കോട്ടെ സ്വകാര്യ ആശുപത്രിയിലേക്കും മാറ്റി. ചികിത്സയിലിരിക്കെ ഇന്ന് രാവിലെ ജാഫർ മരിച്ചു. ജാഫറിന്റെ ഭാര്യ സക്കീയ. പുതിയ പുരയിൽ അബ്ദുല്ലയും ജമീല ദമ്പതികളുടെ മകനാണ്.