നെയ്യാറ്റിൻകര ജനറൽ ആശുപത്രി വികസനത്തിൻ്റെ മറവിൽ കൊടുംചൂഷണംസ്വന്തം ലേഖകൻ

നെയ്യാറ്റിൻകര: ജനങ്ങളുടെ നികുതിപ്പണം കൊണ്ട് പ്രവർത്തിക്കേണ്ട നെയ്യാറ്റിൻകര ജനറൽ ആശുപത്രി ഇപ്പോൾ അഴിമതിയുടെയും കെടുകാര്യസ്ഥതയുടെയും ദുരിതക്കയത്തിലാണ്. വികസനം എന്ന പേരിൽ ആശുപത്രി വികസന സമിതി നടത്തുന്ന ക്രൂരമായ പണപ്പിരിവുകൾ സാധാരണക്കാരുടെ നടുവൊടിക്കുമ്പോൾ, അടിസ്ഥാന സൗകര്യങ്ങൾ പോലും നവീകരിക്കാൻ അധികാരികൾക്ക് താൽപര്യമില്ല.അമിത ഫീസുകൾ ജനങ്ങൾക്ക് ഇരുട്ടടിയാകുന്നുആശുപത്രിയിൽ പ്രവേശിക്കുന്നതിന് നിർബന്ധിതമാക്കിയ 10 രൂപ പാസ്സ് ജനങ്ങളെ സാമ്പത്തികമായി ചൂഷണം ചെയ്യുന്നതിനുള്ള ഒരു തന്ത്രം മാത്രമാണ്. “വികസനത്തിനാണ് ഈ തുക” എന്ന് അധികാരികൾ പറയുമ്പോൾ, ഈ പാസ്സ് നൽകുന്ന പണം കൊണ്ട് എന്ത് വികസനമാണ് നടക്കുന്നതെന്ന് ജനങ്ങൾ ചോദിക്കുന്നു. വാഹനങ്ങൾ പാർക്ക് ചെയ്യുന്നതിന് പോലും അമിത നിരക്ക് ഈടാക്കുന്നതിനെതിരെ ശക്തമായ പ്രതിഷേധം ഉയർന്നിട്ടുണ്ട്. സർക്കാരിന്റെ കീഴിലുള്ള ഒരു ആശുപത്രിയിൽ ഇങ്ങനെയുള്ള നിയമങ്ങൾ സാധാരണക്കാർക്ക് താങ്ങാവുന്നതിലപ്പുറമാണ്. ശോച്യാവസ്ഥയിലുള്ള കെട്ടിടങ്ങൾആശുപത്രിയിലെ കെട്ടിടങ്ങളും വാർഡുകളും പൂർണ്ണമായും നശിച്ച നിലയിലാണ്. ഒരോ വാർഡുകളിലും അടിസ്ഥാന സൗകര്യങ്ങൾ പോലുമില്ലാതെ രോഗികൾ ദുരിതത്തിലാണ്. ശുചീകരണത്തിന്റെ കാര്യത്തിൽ ആശുപത്രി പിന്നിലാണെന്നും രോഗികൾ പരാതിപ്പെടുന്നു. കെട്ടിടങ്ങളുടെ അറ്റകുറ്റപ്പണികൾ നടത്താതെയും, സൗകര്യങ്ങൾ മെച്ചപ്പെടുത്താതെയും ജനങ്ങളെ ചൂഷണം ചെയ്യുന്നത് തികഞ്ഞ അനാസ്ഥയാണെന്ന് ചൂണ്ടിക്കാട്ടുന്നു. ഈ അവസ്ഥ ആശുപത്രിയെ നശിപ്പിക്കാനുള്ള ചിലരുടെ മനപ്പൂർവ്വമായ ശ്രമമാണെന്ന് ജനങ്ങൾ പറയുന്നു.ആശുപത്രിയിലെ അഴിമതിയും കെടുകാര്യസ്ഥതയും ജനങ്ങൾക്കിടയിൽ വലിയ അമർഷമുണ്ടാക്കിയിട്ടുണ്ട്. ഇതിനെതിരെ ശക്തമായ പ്രതിഷേധ പരിപാടികൾക്ക് ഒരുങ്ങുകയാണ് ജനകീയ കൂട്ടായ്മകൾ. പാവപ്പെട്ട രോഗികളെ ചൂഷണം ചെയ്യുന്നത് അവസാനിപ്പിക്കണമെന്നും, അഴിമതിക്ക് കൂട്ടുനിൽക്കുന്നവർക്കെതിരെ നിയമനടപടികൾ സ്വീകരിക്കണമെന്നും അവർ ആവശ്യപ്പെടുന്നു. ജനങ്ങളുടെ നികുതിപ്പണം കൊണ്ട് പ്രവർത്തിക്കേണ്ട ഒരു സ്ഥാപനത്തിൽ ഇങ്ങനെയുള്ള ദുരവസ്ഥ ഉണ്ടാകുന്നത് തികഞ്ഞ അപമാനമാണെന്ന് വിവിധ സംഘടനകൾ പ്രസ്താവിച്ചു.നെയ്യാറ്റിൻകര ജനറൽ ആശുപത്രിയെ സാധാരണക്കാർക്ക് ആശ്രയിക്കാവുന്ന ഒരു സ്ഥാപനമാക്കി മാറ്റാൻ സർക്കാർ അടിയന്തിരമായി ഇടപെടണമെന്ന് ആവശ്യപ്പെട്ടുകൊണ്ട് ജനങ്ങൾ ഒന്നിച്ചുചേരാനുള്ള തയ്യാറെടുപ്പിലാണ്. അധികാരികളുടെ മൗനം തുടർന്നാൽ ശക്തമായ സമരങ്ങളുമായി മുന്നോട്ട് പോകുമെന്ന് ജനകീയ കൂട്ടായ്മ മുന്നറിയിപ്പ് നൽകി.