തിരുവനന്തപുരം: നാവികസേന ദിനാഘോഷങ്ങളില് പങ്കെടുക്കാനായി രാഷ്ട്രപതി ദ്രൗപദി കേരളത്തിലെത്തി. തിരുവനന്തപുരം വിമാനത്താവളത്തിലെത്തിയ രാഷ്ട്രപതിയെ ഗവർണർ രാജേന്ദ്ര ആർലേക്കറും മുഖ്യമന്ത്രി പിണറായി വിജയനും ചേർന്ന് സ്വീകരിച്ചു.ഇന്ന് വൈകുന്നേരം തിരുവനന്തപുരം ശംഖുമുഖത്താണ് നാവികസേനയുടെ ശക്തിപ്രകടനം. ചടങ്ങില് നാവികസേനാ മേധാവി അഡ്മിറല് ദിനേശ് കെ. ത്രിപാഠി പങ്കെടുക്കും. തിരുവനന്തപുരത്ത് ആദ്യമായാണ് നാവികസേനാ ദിനാഘോഷം സംഘടിപ്പിക്കുന്നത്.19 പ്രധാന യുദ്ധക്കപ്പലുകള് അടക്കം 40 ലേറെ പടക്കപ്പലുകളും അന്തര്വാഹിനിയും 32 പോര്വിമാനങ്ങളും പങ്കെടുക്കും. ഐഎന്എസ് വിക്രാന്ത് ഉള്പ്പെടെയുള്ള ആത്യാന്താധുനിക യുദ്ധക്കപ്പലുകളും യുദ്ധവിമാനങ്ങളും ഹെലികോപ്ടറുകളും അഭ്യാസപ്രകടനത്തില് അണിനിരക്കും.
രാഷ്ട്രപതി ദ്രൗപദി മുർമു തീരുവനന്തപുരത്ത്
