നസീര്‍ സാറിനൊപ്പം എത്രയോ പടങ്ങള്‍, എത്രയോ വര്‍ഷം അഭിനയിച്ചു. ഒരുപക്ഷെ എന്റെ കുടുംബത്തില്‍ കഴിയുന്നതിനേക്കാള്‍ കൂടുതല്‍ അദ്ദേഹത്തിന്റെ കൂടെ ഞാന്‍ സമയം ചെലവഴിച്ചു കാണും. വളരെ നല്ല മനുഷ്യനാണ് അദ്ദേഹം. ദാനധര്‍മം ചെയ്യുന്നൊരു വ്യക്തിയാണ്. ആരു സഹായം ചോദിച്ചാലും ചെയ്ത് കൊടുക്കും.
ആ സഹായത്തെക്കുറിച്ചൊന്നും നമ്മള്‍ അറിയില്ല. ഷൂട്ടിംഗ് ലൊക്കേഷനില്‍ അദ്ദേഹം കൃത്യസമയത്ത് എത്തും. എത്ര വൈകിയാലും നിര്‍മാതാക്കളോടോ സംവിധായകരോടോ മുഖം കറുപ്പിച്ച് ഒന്നും പറയില്ല. ഇന്നത്തെ പോലെ കാരവാനൊന്നുമല്ല. വെയിലത്ത് മണിക്കൂറുകളോളം ഇരിക്കും. എന്നാലും പരാതി പറയില്ല.
നസീര്‍ സാറിന്റെ എനിക്ക് ഇഷ്ടപ്പെട്ട സ്വഭാവം എന്നത് അദ്ദേഹം ആരോടും ദേഷ്യപ്പെടില്ല, എല്ലാവരോടും നന്നായി പെരുമാറും എന്നതാണ്. അനിഷ്ടത്തോടെ ഒരാളോട് പോലും സംസാരിച്ചിട്ടില്ല- ഷീല പറഞ്ഞു.
