തിരുവനന്തപുരം : ഓണം വാരാഘോഷത്തിൻ്റെ ഭാഗമായി സംസ്ഥാന ടൂറിസം വകുപ്പും, ജില്ലാ ടൂറിസം പ്രമോഷൻ കൗൺസിലും, വെള്ളാർ വാർഡ് ജനകീയ സമിതിയുടെയും സംയുക്താഭിമുഖ്യത്തിൽ
കരമനയാറും, കോവളം ടി.എസ് കനാലും അറബിക്കടലിൽ സംഗമിക്കുന്ന
പ്രകൃതിരമണീയമായ പാച്ചല്ലൂർ പൊഴിമുഖത്ത് സംഘടിപ്പിച്ചിരിക്കുന്ന ജലഘോഷയാത്രയും, ഓണാഘോഷ പരിപാടികളും വിജയിപ്പിക്കുന്നതിന് വിപുലമായ അവലോകന യോഗം നഗരസഭ കൗൺസിലർ പനത്തുറ പി. ബൈജുവിൻ്റെ അദ്ധ്യക്ഷതയിൽ ചേർന്നു. യോഗത്തിൽ പോലീസ്, കോസ്റ്റ്ഗാഡ്, ഫയർഫോഴ്സ്, ജലഗതാഗത വകുപ്പ്, ആരോഗ്യ വകപ്പ്, നഗരസഭ അധികൃതരും പങ്കെടുത്തു. കൗൺസിലർ SM ബഷീർ, എ.ജെ.സുകാർണോ,തിരുവല്ലം എസ് ഐ നൗഷാദ്, കോസ്റ്റ് ഗാർഡ് എസ് ഐ സുരേഷ്, ഇറിഗേഷൻ വകുപ്പ് എ ഇ ഉണ്ണികൃഷ്ണൻ, ആരോഗ്യ വകുപ്പ് എച്ച് ഐ രാജ് കുമാർ, നഗരസഭ എച്ച് ഐ.അനുരൂപ് എന്നിവർ പ്രസംഗിച്ചു.വിവിധ സബ്ബ് കമ്മറ്റികൾ രൂപീകരിച്ചു. നിരവധിയായ നാടൻ വള്ളങ്ങളിൽ വാദ്യമേളങ്ങളും, തെയ്യം, ഓട്ടൻതുള്ളൽ, കഥകളി, തിരുവാതിരകളി തുടങ്ങി കലാരൂപങ്ങളും പ്രദർശനവും വർണ്ണ ശബളമായ ജല ഘോഷയാത്ര യിൽഅണിനിരക്കുന്നു. സെപ്റ്റംബർ 6 വൈകുന്നേരം 4 മണിക്ക് പൊതുവിദ്യാഭ്യാസ മന്ത്രി വി. ശിവൻകുട്ടി ഉദ്ഘാടനം ചെയ്യുന്ന ജലഘോഷയാത്രയിൽ ജനപ്രതിനിധികൾ തുടങ്ങി വിവിധ സാമൂഹിക-സാമുദായിക – സാംസ്കാരിക രംഗത്തെ പ്രമുഖരും പങ്കെടുക്കും. സെപ്തംബർ അഞ്ചിന് വൈകുന്നേരം 5 മണിക്ക് തിരുവനന്തപുരം നളന്ദ അവതരിപ്പിക്കുന്ന നാടൻപാട്ടും, ആറിന് 4 മണിക്ക് ചെണ്ടമേളവും തുടർന്ന് തിരുവനന്തപുരം വേഴ്സ് അവതരിപ്പിക്കുന്ന ഗാനമേളയും അഞ്ചു മണിക്ക് ജലഘോഷയാത്രയും,ഏഴിന് വൈകുന്നേരം 5 മണി മുതൽ തിരുവാതിര കൈകൊട്ടിക്കളി, സിനിമാറ്റിക് ഡാൻസ് എന്നിവ പൊഴിക്കരയിലുള്ള നിശാ വേദിയിൽ സംഘടിപ്പിച്ചിട്ടുണ്ടെന്ന് സംഘാടകസമിതി ഭാരവാഹികൾ അറിയിച്ചു. ജനറൽകൺവീനർ എസ്.ഉദയരാജ് സ്വാഗതവും കോ-ഓഡിനേറ്റർ ഡി.ജയകുമാർ പ്രോഗ്രം വിശദീകരണവും നടത്തി. പ്രോഗ്രാം കമ്മിറ്റി കൺവീനർ എസ്.പ്രശാന്തൻ കൃതഞ്ജത പറഞ്ഞു.
