പുതിയ കാറിൻ്റെ സ്ഥിരം തകരാറുകാരണം കാറിൻറെ പരസ്യത്തിൽ അഭിനയിച്ച താരങ്ങൾക്കെതിരെ കേസ് കൊടുത്തു അഭിഭാഷകൻ

.ജയ്പൂർ . പുതിയതായി വാങ്ങിയ കാർ പ്രതീക്ഷിച്ച വിധം ഓടാത്തതിന് അതിൻറെ പരസ്യത്തിൽ അഭിനയിച്ച ബോളിവുഡ് താരങ്ങളായ ഷാരൂഖാന്റെയും ദീപികയുടെയും പേരിൽ കേസ് കൊടുത്തു അഭിഭാഷകൻ. രാജസ്ഥാനിലെ ഭരത് പുരിലുള്ള മധുര ഗേറ്റ് പോലീസ് സ്റ്റേഷനിലാണ് ഇവർക്കെതിരെയുള്ള പരാതി .അഭിഭാഷകൻ കൃതി സിംഗ് ആണ് കേസ് കൊടുത്തത്. വഞ്ചന ആരോപിച്ചാണ് കേസ്. ഹരിയാനയിലെ സോണിപതത്തിൽ നിന്ന് 23.97 ലക്ഷം രൂപയ്ക്ക് 2022 ലാണ് സിംഗ് കാർ വാങ്ങിയത് .അധികം വൈകാതെ വണ്ടിക്ക് കാര്യമായ സാങ്കേതിക പിഴവ് ഉണ്ടെന്ന് സിംഗ് ആരോപിച്ചു .വാങ്ങിയ സ്ഥാപനത്തോട് പറഞ്ഞപ്പോൾ അത് നിർമ്മാണ തകരാർ ആണെന്ന് സമ്മതിച്ചു .താൽക്കാലിക പരിഹാരവും നിർദ്ദേശിച്ചു .പ്രശ്നം പതിവായതോടെ സാമ്പത്തിക നഷ്ടവും ശാരീരിക, മാനസിക ബുദ്ധിമുട്ടുണ്ടായി എന്നും പരാതിയിൽ അഭിഭാഷകൻ പറയുന്നു .