ദേശീയപതാകയെ അപമാനിച്ചുവെന്നാരോപിച്ച് ഇന്ത്യൻ ക്രിക്കറ്റ് താരം ഹർദിക് പാണ്ഡ്യക്കെതിരെ പരാതി

പൂനെ: ദേശീയപതാകയെ അപമാനിച്ചുവെന്നാരോപിച്ച് ഇന്ത്യൻ ക്രിക്കറ്റ് താരം ഹർദിക് പാണ്ഡ്യക്കെതിരെ പരാതി. ടി20 ലോകകപ്പ് വിജയാഘോഷത്തിനിടെ ദേശീയ പതാക ദേഹത്ത് പുതച്ചിരുന്നു. ഇത് ദേശീയ പതാകയോടുള്ള അനാദരവാണെന്ന് ചൂണ്ടിക്കാട്ടി അഭിഭാഷകനായ വാജിദ് ഖാനാണ് പൂനെയിലെ ശിവാജി നഗർ പൊലീസ് സ്റ്റേഷനിൽ പരാതി നൽകിയത്.ദേശീയപതാകയോട് അനാദരവ് കാണിക്കുന്ന പ്രവൃത്തിയാണ് താരത്തിൽ നിന്നുണ്ടായത്. ഇത്തരം പ്രവൃത്തി നിയമവിരുദ്ധമാണ്. സംഭവത്തിൽ കേസെടുത്ത് തുടർ നടപടി സ്വീകരിക്കണമെന്നാണ് അഭിഭാഷകന്റെ പരാതിയിൽ പറയുന്നത്.