ഗർഭം അലസിപ്പോകുന്നതു സാധാരണ സംഭവമാണ്. ഓരോ നൂറു ഗര്ഭത്തിലും പത്തുമുതൽ ഇരുപതു വരെ മിസ് കാരേജ് ആകുന്നു. കുഞ്ഞ് അതിജീവിക്കാനുള്ള സാധ്യത ഇല്ലാത്തപ്പോഴാണ് ഇങ്ങനെ സംഭവിക്കുന്നത്. ഗര്ഭത്തിന്റെ ആദ്യ പന്ത്രണ്ട് ആഴ്ചയ്ക്കുള്ളില് ഇങ്ങനെ സംഭവിക്കും. ബീജസങ്കലനം നടന്ന അണ്ഡത്തിനു തകരാർ സംഭവിച്ചതാണു സാധാരണയായി കാരണമാകുന്നത്. ഈ അണ്ഡം വളര്ന്നു വികസിച്ചിരുന്നുവെങ്കില് കുഞ്ഞ് കടുത്ത വൈകല്യങ്ങളോടെ ജനിക്കാന് ഇടയാകുമായിരുന്നു. മിസ് കാരേജ് ഇത്തരം വൈകല്യങ്ങളെ ഇല്ലാതാക്കാനുള്ള പ്രകൃതിയുടെ സ്വാഭാവിക രീതിയാണ്.മിസ്കാരേജ് സ്ത്രീയെ ഗുരുതരമായ രോഗത്തിലെത്തിക്കാൻ സാധ്യതയുണ്ട്. മലേറിയ, സിഫിലിസ്, തളര്ന്നുപോവുക തുടങ്ങിയവ സംഭവിക്കാം. ചിലപ്പോള് ജനനേന്ദ്രിയങ്ങള്ക്കും തകരാര് വരെ സംഭവിക്കാം. ചില മിസ്കാരേജുകള് ഗര്ഭപാത്രത്തിലല്ലാതെ ഫാലോപ്യന് ട്യൂബില് അണ്ഡം വളരുന്നതുകൊണ്ടു സംഭവിക്കുന്നു. അത്തരം ഗര്ഭങ്ങള് മിക്കവാറും അലസും. അവ വളരെ അപകടകരവുമാണ്.രണ്ടുതരം സൂചനകളാണ് മിസ്കാരേജില് കാണുന്നത് – യോനിയില്നിന്നുള്ള രക്തസ്രാവവും അടിവയറ്റിലെ വേദനയും. രക്തസ്രാവം സാധാരണ ചെറിയ തോതില് തുടങ്ങി കൂടിക്കൂടി വരികയും അവസാനം കട്ടിയായി മാറുകയും ചെയ്യുന്നു. രക്തസ്രാവവും വേദനയും കടുത്ത ആര്ത്തവകാലത്തേതിനു സമാനമായിരിക്കും. പ്രത്യേകിച്ച് ആദ്യ ഗർഭം അലസലാണെങ്കിൽ. അതുകൊണ്ട് എപ്പോഴാണ് മിസ്കാരേജ് സംഭവിച്ചതെന്നുപോലും ചിലപ്പോള് അറിയാൻ കഴിഞ്ഞെന്നുവരില്ല.ഒരു മിസ്കാരേജിനെ പൂര്ണം എന്നു വിശേഷിപ്പിക്കുന്നത് വളരുന്ന ശിശുവിന്റെ എല്ലാ ടിഷ്യുവും ഗര്ഭപിണ്ഡവും മറുപിള്ളയും പൂര്ണമായും യോനിവഴി പുറത്തേക്കു സ്രവിച്ചുകഴിയുമ്പോളാണ്. ഒരു പൂര്ണമായ മിസ്കാരേജ് കഴിഞ്ഞാല് ചുരുക്കം ദിവസങ്ങള്ക്കുള്ളില് രക്തസ്രാവം നിലയ്ക്കും. ഈ അവസ്ഥയില് സ്ത്രീ വിശ്രമിക്കുകയും രണ്ട് മൂന്ന് ആഴ്ചത്തേക്ക് ഭാരം എടുക്കല് തുടങ്ങിയ കഠിന ജോലികള് ചെയ്യാതിരിക്കുകയും വേണം. സ്വയം വൃത്തിയായിരിക്കാനും ലൈംഗിക ബന്ധത്തില് ഇടപെടാതിരിക്കാനും ശ്രദ്ധിക്കണം.വളരുന്ന ശിശുവിന്റെ അംശമോ മറുപിള്ളയോ ഗര്ഭ പാത്രത്തില് ശേഷിക്കുകയാണെങ്കില് അതിനെ അപൂര്ണമായ മിസ്കാരേജ് എന്നു പറയും. ഗര്ഭത്തിന്റെ 10, 20 ആഴ്ചയ്ക്കുള്ളില് സംഭവിക്കുന്ന മിസ്കാരേജ് അപൂര്ണമാകാനാണ് സാധ്യത. രക്തസ്രാവം തുടരുകയും ഗര്ഭപാത്രത്തിലെ മരിച്ച ടിഷ്യുകള് അണുബാധിതമാകുകയും ചെയ്യും, ഇത് പനിയും അടിവയറ്റില് വേദനയുമുണ്ടാക്കും. ഒരു അപൂര്ണ മിസ്കാരേജ് അണുബാധിതമാകുമ്പോള് ചികിത്സിച്ച് ഭേദമാക്കിയില്ലെങ്കില് ഫാലോപ്യന് ട്യൂബില് അത് മുറിവുകളുണ്ടാക്കുകയും സ്ത്രീ വന്ധ്യയായി മാറുകയും ചെയ്യാം. ഒരു സ്ത്രീക്ക് മിസ്കാരേജിനു ശേഷം അണുബാധയുടെ എന്തെങ്കിലും ലക്ഷണങ്ങള് കാണുന്നുവെങ്കില് ഉടന്തന്നെ ചെക്കപ്പിനു പോകേണ്ടതാണ്.
Related Posts
തൃശൂർ : ബാച്ച് 2025 പ്രവേശന ചടങ്ങ് പിഎസ്എം കോളേജ് ഓഫ് ഡെന്റൽ സയൻസ് ആൻഡ് റിസർച്ചിലെ പുതുതായി പ്രവേശനം നേടിയ 2025 ബാച്ചിന്റെ ഇൻഡക്ഷൻ ചടങ്ങ്…
പ്രവാസികൾ നാടിന്റെ നട്ടെല്ലുകളാണ്. അവരെ സംരക്ഷിക്കുന്ന ശ്രമങ്ങൾ സർക്കാർ അനുസൂതം തുടരും
അഡ്വ. ഐ ബി സതീഷ് എംഎൽഎ തിരുവനന്തപുരം പ്രവാസികൾ എന്നും നാടിന്റെ നട്ടെല്ലുകളാണെന്നും അവരെ സംരക്ഷിക്കുകയും സഹായിക്കുകയും ചെയ്തു വരുന്ന സർക്കാരിന്റെ സംരംഭങ്ങൾ അനുസൂതം ഇനിയും തുടരുമെന്നും…
പോക്സോ കേസിൽ പ്രതി അറസ്റ്റിൽ
തിരുവനന്തപുരം :-16 വയസായ പെൺകുട്ടിയ വീട്ടിൽ അതിക്രമിച്ചു കയറി പിടിച്ച പ്രതിയെ മ്യൂസിയം പോലീസ് അറസ്റ്റ് ചെയ്തു.മുടവൻ മുഗൾ വാർഡിൽ ബിനു വിലാസം വീട്ടിൽ നിന്നും, ശാസ്ത…
