തിരുവനന്തപുരം: പത്മനാഭ സ്വാമി ക്ഷേത്രത്തിലെ സ്വര്ണം കാണാതായ കേസില് നുണപരിശോധനയ്ക്ക് കോടതി അനുമതി. തിരുവനന്തപുരം ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയുടേതാണ് അനുമതി. ആറ് ക്ഷേത്രം ജീവനക്കാരുടെ നുണപരിശോധന നടത്താനാണ് അനുമതി നൽകിയിരിക്കുന്നത്. ഫോര്ട്ട് പൊലീസ് നല്കിയ അപേക്ഷയിലാണ് കോടതി അനുമതി നല്കിയത്.ജീവനക്കാരുടെ അനുമതിപത്രം വാങ്ങണമെന്നും നിര്ദേശമുണ്ട്. ശ്രീകോവിലിന്റെ വാതിലില് പൂശാനെടുത്ത സ്വര്ണമായിരുന്നു കാണാതായത്. കാണാതായ 13 പവനും പിന്നീട് കണ്ടെത്തി. മെയ് മാസത്തിലാണ് പത്മനാഭ സ്വാമി ക്ഷേത്രത്തില് നിന്നും സ്വര്ണം കാണാതായിരിക്കുന്നത്.
പത്മനാഭ സ്വാമി ക്ഷേത്രത്തിലെ സ്വര്ണം കാണാതായ കേസിൽ ക്ഷേത്രം ജീവനക്കാരുടെ നുണപരിശോധനയ്ക്ക് കോടതി അനുമതി
